«Ақ Ордам - менің Астанам»
Астана – Қазақ елі болашағының каласы. Мәдениеттің ошағы, ғылым мен білімнің ордасы. Еліміздің көгілдір туы желбіреген тәуелсіздігіміздің ордасы. Жаңа Астанамыздың құрылысы - жас мемлекетіміздің жасампаздықка ұмтылысының, бүкіл қоғамымыздың жаңаруының ерекше символына айналған кұбылыс.
Келешекте, 2017жылы өткізілетін «Expo 2017» көрмесін өткізу құрметі де Астанаға берілді. Бұл – біз үшін ұлы жеңіс. Бір Астананың сұлулығына, мәдениетіне 103 мемлекет дауыс беріп, біздің қаламыз әлемнің ең көрікті де дамушы қаласына айналды. Астананың осы байқауда жеңіске жеткенінің екі себебі бар: бірі – елбасы мен қазақ халқының саяси батыл қадамы, екіншісі – сәулетшілер мен құрылысшылардың дарындылығы мен тәжірибелілігі, қаланы көркейту жолындағы ерен еңбегі.
Дәл осы атаулы мереке -Астана күніне байланысты қалалық кітапхананың оқу залында «Астана – Отанымыздың жүрегі», оқырмандарға қызмет ету бөлімінде «Астана – жаңа ғасыр қаласы» атты кітап көрмелері, балалар кітапханасында «Ақ Ордам – менің Астанам» атты жас суретшілердің сурет көрмесі, ұйымдастырылды.
Сурет көрмесінің мақсаты: бүгінгі күні – талантты, жігерлі өзіне сенетін арманға бай және оларды жүзеге асыруға ерік-жігері бар жастарға мемлекетіміз жағдай жасап отырғанын, еліміздің ертеңгі болашағы біздер, сондықтан әр азамат халқымыздың, еліміздің, жеріміздің өркендеп - өсуіне зор үлесін қосуы тиіс екенін жас жеткіншектерге ұғындыру. Оларға «Астана күнінің» мән –мағынансын терең түсіндіріп, шабыттарына –шабыт қосу. Көрмеге ең әдемі салынған суреттер таңдап алынды. Олар: 4 «в» сынып оқушысы Досхан Ақерке, 6 сынып оқушысы Ануарбек Олжас, 5 «б» сынып оқушысы Ануарбек Аружан, 3 «в» сынып оқушысы Рахияева Мейршат сынды оқушылардың салған туындылары. Жас суретшілеріміздің өнерін бағалау мақсатында кітапханамыздың атынан естелік сыйлықтар табыс етілді. «Бұлақ көрсең көзін аш» демекші барлық оқушыларымыз өте талантты, қыл –қалам шеберлері екен. Өнерлерің өрге жүзсін.
Астана жылдан – жылға көркейіп, еліміздің мәртебесі биіктей берсін. Гүлдене бер Астана!..