Қазақ зиялыларының ерекше тұлғасы Әлихан Бөкейхановқа - 150 жыл
2016 жылдың 17 наурызында «Приозерск қалалық кітапханасы» коммуналдық мемлекеттік мекемесінің оқу бөлімінде Әлихан Бөкейханұлының - 150 жылдығына орай «Қазақ зиялыларының ерекше тұлғасы» атты дөңгелек үстел ұйымдастырылды.
Іс-шараға 8- сынып оқушыларымен қоса қалалық мемлекеттік мұрағат қызметкерлері арнайы шақырылған болатын. Дөңгелек үстелдің мақсаты: Алты Алаштың арысы - Әлихан Бөкейханов мұрасын оқырмандарға таныстыра отырып, оқушыларды патриоттық сезімге тәрбиелеу. «Алаш Орда» туралы білімдерін толықтырып, алаш арысы-Әлихан Бөкейханов еңбектерін өздеріне үлгі ету.
Іс-шара барысында оқырмандарға Әлейхан Бөкейханов жайлы презентация көрсетіліп, кітап көрмесі насихатталды, сондай-ақ оқу бөлімінің кітапханашысы Испамбетова Сәуле Аяпбергенова «Дүбірлі дәуір жаршысы» атты баяндама оқыды. Көрмеге кітаптармен қоса буклет, Әлихан Бөкейхановтың 150 жылдығына арнайы әзірленген жинақ папкасы қойылды.
Ия, «Кім шебер болса, жалықпай, талмай ізденсе, бірігіп тізе қосып әдіс қылса, ғұмыр бәйгесі сонікі» -деп Әлихан Бөкейханов айтпақшы ізденуден жалықпай, талмай еңбек етсек қана биік мақсаттарды бағындыра аларымыз сөзсіз.
