Кітапханамызда мүмкіндігі шектеулі балаларға арналған «ҮМІТ» бағдарламасы да жұмыс істеп келеді. Мүмкіндіктері шектеулі оқырмандармен үнемі тығыз қарым-қатынас жасалып, үйлеріне өздері тапсырған кітаптар мен басылымдар өз уақытында жеткізіліп тұрады.  Атап айтар болсақ, Әбіл Гүлназым, Мырзабек Мейірхан, Ярмахамбет Мадина сынды оқырмандарымызға ертегілер, танымдық әдебиеттер, боямақ кітаптар, ашылмалы кітаптар апарып тұрамыз. 

2015 жылдың 15 қазанында «Приозерск қалалық кітапханасы» коммуналдық мемлекеттік мекемесінің балалар бөлімінде қамкөңіл мүгедек балаларға арналған «Сыбдыры сұлу, Алтын күз" атты мерекелік кеш ұйымдастырылған болатын. Кештің мақсаты:   жарымжан   жандарға  мерекелік көңіл – күй сыйлау.