• 23.09.2024

     «Приозерск қалалық кітапханасы» коммуналдық мемлекеттік мекемесінде  15 қыркүйекте кітапхана алаңында "KitapTime-2023"жалпы республикалық кітап фестивалі ұйымдастырылды.

     «KitapTime – 2023» фестивалінің мақсаты оқу мәдениетін арттыру, әдебиетті насихаттау, халықты кітапханаларға тарту және оқырмандардың оқуға деген қызығушылығын арттыру болып табылады; фестивальге бірнеше күн қалғанда әлеуметтік желілерде орналастыру және хабарландыру бойынша жұмыс жүргізілді. Кітап фестиваліне қатысушылар үшін қызықты бағдарламалар дайындалды

Кітапхана алаңында «Қызықты кітаптар букеті», «Ерекше кітаптар әлемі», «Дәстүрім-байлығым" кітап көрмелері, фотоаймақ, «Өзің оқып,өзгеге ұсын» буккроссингі ұйымдастырылды. Ақын, ұстаз Айтбенбетов Орынбек Орынбасарұлы кітап фестивалінің ашылуында сөз сөйлеп, кітапханаға өз кітаптарын табыс етті. Фестиваль аясында оқушылар: « Ертегі еліне саяхат", «Ақыл-жастан, асыл –тастан»,  « Кітап нені жақсы көреді?»викториналар, «Мақал-мәтелді жалғастыр" кроссвордын шешу, "Әдеби лото" зияткерлік ойындарына қатысып, жеңімпаздар сыйлықтармен марапатталды.

      Фестиваль қатысушылары "KitapTime – 2023"фотоаймағының алаңында суретке түсуге және фотосессия жасауға мүмкіндік алды. Фестивальге оқушылар, мұғалімдер, мектеп кітапханашылары, мәдениет үйінің қызметкерлері және кітапхана ұжымы қатысты