Белгілі тарихшы-ғалым Талас Омарбековтің бұл жинағына қазақ хандары туралы зерттеулері мен баспасөз бетінде жарық көрген еңбектері енді. Автор еңбекті құрастыру барысында мейлінше нақты, құнды тарихи деректерге сүйенген. Бұл кітаптың қалың оқырман қауым үшін құндылығы жоғары болары сөзсіз.

«Онда - тамыз, мұнда, міне, қараша...» деп өкінішті жүрек бұлқынысын сездірген ұлы Мұқаң соңында қалдырған «Күнделігінде»: «Таңдамалыңның» болуы жақсы-ақ қой. Оны мен «Тамаша айым - тамызым» («Август - месяц священный») деп атаймын...» деген ниетін жазады. Өкініштісі сол - арада тура бір жылдай уақыт өткенде ақын жүрегі соғуын тоқтатып, жоғарыдағы үкілі арманының орындалмай қалғаны белгілі. Мұқағали мұраларымен етене таныс көзіқарақты оқырманның көңіл түпкіріндегі өкініштің бір мысқал өтеуі болса және оның үстіне ақынның биылғы 85 жылдық мерейтойы тұсында көпшілік көзайымына айналған таңдамалы өлеңдерінің топтамасын тарту етсек деген ниетпен «Тамаша айым - тамызым» атты жинақты жұртшылыққа ұсынып отырмыз.

Кітап қазақтың ұлы ғалымы, ағартушылық мәдениеттің тұңғыш өкілдерінің бірі, шығыстанушы, тарихшы, фольклоршы, этнограф, географ Шоқан Уәлихановтың өмірі мен қызметтері жайында жазылған тарихи әңгімелер мен зерттеулерден құралған. Бұл еңбекте ғалымның туып-өскен, білім алған ортасы және Іле Алатауы мен Қашқар жеріне жасаған саяхат-сапарлары жайында кеңінен тоқталады. Сондай-ақ оның өмірге өзіндік көзқарасын, әсіресе суретшілік қырын терең танытады. Жинақта Шоқанның өз қолымен салған көптеген суреттері қоса беріліп, оның тарихи ескерткіштер (тас мүсіндер, қорғандар, күмбездер) төңірегіндегі ғылыми ізденіс істері сөз болады. Кітап мектеп, гимназия, лицей оқушыларына, орта және жоғары оқу орындарының студенттеріне арналған.

Кітапта кеңестік социализмнің дағдарысы, КСРО – ның күйреуі, тәуелсіз мемлекеттілік негіздерінің жаңғыруы, қалыптасуы мен мемлекеттік шекараны межелеу, 20ғасырдың 90-жылдарының алғашқы жартысындағы Қазақстанның қазіргі заман тарихы баяндалады.

"Қазақтың талантты ақындарының бірі, марқұм Мұқағали Мақатаевтың бұл кітабына оның бұрынғы кітаптарына кірмеген және өмірінің соңғы кезінде жазған жаңа өлеңдері мен толғаулары енгізілді. Ақын Отанға, елге, туған халқына деген сүйіспеншілігін, жүрегінде суымай кеткен махаббат сезімін, жанын кернеген сағыныш сазын, арман-тілегін, өмірге деген құштарлығын жыр етеді." Ұлы Мұқаңның көзі тірісінде жарық көрген соңғы кітабы осындай алғысөзбен жарық көрген екен. Көпшіліктің сұрауы бойынша "Өмір-өзен" оқырмандарына өзгеріссіз қайта ұсынылып отыр.

"Мұқағали Мақатаев соңғы жылдарда өз үні, өз әуенімен қазақ поэзиясына кеп қосылған белгілі лирик ақындарымыздың бірі. Оның өлеңдері мен поэмалары тереңнен сыр тартар нәзіктігімен оқырман қауымның ілтифатына ие болды. "Өмірдастан" атты бұл кітапқа ақынның өлеңдері мен поэмаларының ең тәуірлері іріктеліп алынды." Ұлы Мұқаңның көзі тірісінде жарық көрген екен. "Өшеді өлең, немесе көшеді өлең" деп ақынның өзі болжағандай, Мұқағали жырлары уақыт көші алға жылжыған сайын қанатын кеңге жауып, биіктеп барады. Көпшіліктің сұрауы бойынша "Өмірдастан" оқырмандарына еш өзгеріссіз қайта ұсынылып отыр.

Жырларын қазақ жүрты жатқа айтатын ХХ ғасырдағы қазақ поэзиясының шашасына шаң жұқтырмаған жүйрігі, өмірі мен өлеңі біте қайнасқан ақиық ақын Мұқағали Мақатаев шығармаларының жаңа топтамасына үлкен өнер иесінің сан қатпарлы қарама-қайшылыққа толы ішкі жан дүниесін сипаттайтын көркем дүниелері еніп отыр. Жылдар өткен сайын автордың туындылары саф алтындай жарқырап өзінің өміршеңдігін таныта түскендей. Бұл жинақ қазақтың қара өлеңінің қадірқасиетін бағалай білетін қалың оқырман қауымға жақсы сый болмақ.

Мұқағали Мақатаев - қазақ өлеңінің қадір-қасиетін, көркемдік дәрежесін асқан зор шеберлікпен, қайталанбас даралықпен шырқау биікке көтерген үлкен суреткер, халықтық ақынға айналған тұлға.
Бұл жинаққа ақынның таңдамалы өлеңдері, поэмалары еніп отыр.

Балаларға арналған қызықты ертегі кітап.

Энциклопедиялар көркем суреттермен безендіріліп, қызықты деректер балаларға түсінікті және жеңіл тілде жазылған. Әр энциклопедия балалардың әр нәрсені білуге деген әуесқойлығын қанағаттандырып қана қоймай, табиғат құбылыстарының құпияларын жете түсіндіріп береді. Әлемдегі құбылыстар, жер бетіндегі тіршілік иелері – жануарлар, жәндіктер, ерте заманда тіршілік еткен динозаврлар жайындағы, сондай-ақ жер-жаһанның жаратылыс тарихы, адамзат тарихы мен адамзат жеткен жетістіктер туралы мәліметтер балаларды қызықтыратыны анық.