• 19.04.2023

2023 жылдың 19 сәуір күні балалар кітапханасында  партизан жазушы, Халық қаһарманы Қасым Қайсеновтың 105 жылдығына арналған «Қазақтың Қасымы»  тақырыбында  ақпараттық кеш өтті. Мақсаты: оқушыларға Қазақ батыры, халық қаһарманы, партизан жазушы Қасым Қайсенов туралы тереңірек таныстыру; батырдың ерлік істерін ұрпаққа үлгі ету ; оқушылардың бойында отансүйгіштік, патриоттық тәрбие беру;

Қасым Қайсенов- Қазақстан Республикасының Халық Қаһарманы, А. Фадеев атындағы Халықаралық сыйлықтың лауреаты, қазақстандық жазушы, Ұлы Отан соғысының ардагері.

1941 жылы қарашада Қ.Қайсенов Оңтүстік-Батыс майданының штабына жіберілді. Арнайы тапсырма бойынша оны жау басып алған Украина аумағына көшірді. Мұнда Қасым Қайсенов партизандық құраманың үшінші отрядын басқарды.  Қасым Қайсенов өз шығармаларында өз халқына адал, шынайы және әділ қызмет ету, патриот болу керектігін атап өтті.

Сонымен бірге, бұл кеште Қасым Қайсеновтың шығармашылығы, даңқты тұлғаның майдан шебі мен бейбіт өмірге қосқан ерен еңбегі туралы айтылды.  Оқушылар үшін Қасым Қайсеновтың өмірі мен қызметі туралы  «Қазақтың Қасымы» кітап көрмесі ұйымдастырылды.