2023 жылдың  25 сәуір күні  Адалдық алаңы «Парасат жолы» бұрышында  Алаш қозғалысының  қайраткері, ғұлама ғалым, қоғам және мемлекет қайраткері, ағартушы, педагог, дәрігер, профессор Халел Досмұхамедұлының туғанына 140 жыл толуына орай « Ұлт тәуелсіздігін аңсаған арыс» тақырыбында тарихи-танымдық сағат өтті. Іс-шараға мектеп оқушылары  қатысты. Мақсаты:  Алаш қайраткері Х.Досмуханбетовтың өмірбаяны, шығармашылығы, ғылыми қызметтері және  мемлекетке сіңірген еңбегі туралы  айту;

2020 жылдың 2 желтоқсан күні "Рухани жаңғыру" бағдарламасының "Түркі әлемінің генезисі" жобасы аясында Қазақ хандығының 555 жылдығына орай "Елдік пен ерліктің бастауы болған Ұлы тарих" атты тарихи-әдеби кеш өткізілді. 

       Қазақ хандығы - Қазақстан аумағында бұрын болған мемлекеттік құрылымдардың мұрагері, этникалық процестермен байланысты әлеуметтік қатынастардың өзгерістер мен экономикалық даму нәтижесі. 1457 жылдың күзінде Әбілқайыр хан Сығанақ түбінде қалмақтардан жеңілгеннен кейін, Керей мен Жәнібек сұлтандар қол астындағы ру-тайпалармен Шу өңіріне келіп қоныстанып, Қазақ хандығының негізін салады. Мұхаммед Хайдар Дулатидің «Тарихи Рашиди» кітабында Қазақ хандығының құрылған жері - Шу бойы мен Қозыбасы деп айтылады. 1458 жылдың көктемінде Керейді ақ киізге көтеріп хан сайлайды. Әбілқайыр ханға наразы сұлтандар, әмірлер, ру-тайпа басылары Керей мен Жәнібекке келіп қосылады. Аз уақыттың ішінде халықтың саны 200 мыңнан асып түседі. Қазақ хандығының құрылуы осыған дейін бүкіл Қазақстан аумағында болған әлеуметтік-экономикалық және этно саяси процестердің заңды қорытындысы еді.