Біздің сүйікті кітаптар
2019 жылдың 25 қыркүйек күні қалалық кітапханада №2 мектеп оқушыларына экскурсия жасалды. Экскурсияға 1д, 3в, 3г сыныптарынан 79 оқушы қатысты.
Балалар кітапханадағы өздері сүйіп оқитын: Қиял-ғажайып ертегілер, Әжемнің ертегілері, Ерте, ерте, ертеде..., Жануарлар туралы ертегілер, энциклопедиялар: «Адамзат тарихының шежіресі», «Қазақстанның өсімдіктер әлемі», К. Чуковский «Пұшайман Федора», Р.Киплинг «Рикки – Тикки - Тави», Р. Филиппова «Көжек Тим және оның достары», «Сиқырлы Қазанның ас үйдегі қиял-ғажайып оқиғалары», «Пираттар» және т.б кітаптармен танысты.
СД плеер мен магнитофончик ойыншықтары балалардың қызығушылығын тудырды. Балалар «Ғажайып ағашқа» өздері оқитын жанрларына сәйкес түрлі-түсті ленталар қыстырды. Кітаптармен танысып болған соң балалар «Білім орталығында» экология және төзімділік жайлы мультфильмдер көріп, кітапханашының сұрақтарына жауап берді.
