«Балалар кітапханашысының жазғы практикумы – 2024»
27-28 маусымда Приозерск қаласында «Балалар кітапханашысының жазғы практикумы – 2024» көшпелі облыстық семинары өтті.
Қарағанды облысының мәдениет, мұрағаттар және құжаттама басқармасы, «Абай атындағы Қарағанды облыстық балалар кітапханасы» КММ ұйымдастыруымен семинар өтті.
Семинарға Қарағанды және Ұлытау облыстарының облыстық, қалалық және аудандық орталықтандырылған кітапхана жүйелері қатысты.
Семинарға қатысушылар алдында мәдениет, тілдерді дамыту, дене шынықтыру және спорт бөлімі басшысының м.а. Н.А. Стамқұл және Абай атындағы Қарағанды облыстық балалар кітапханасының басшысы Б.Қ. Уатаева құттықтау сөз сөйледі.
Спикерлер мультимедиялық құралдарды, интерактивті жаттығулар қызметтерін, көрме-инсталляцияларды таныстырды. Әріптестер кahoot платформасында ойындар өткізді; тәжірибе алмасты.
Семинар тәжірибе алмасу және өңірдегі балалар кітапханалары арасында тиімді инновациялық кәсіби идеяларды тарату мақсатында ұйымдастырылды.
