Әке – өмірдің кемесі
2026 жылдың 15 маусым күні Әкелер күніне орай кітапханада «Әке – өмірдің кемесі» атты мерекелік кеш ұйымдастырылды. Іс-шараның басты мақсаты – әкенің отбасы мен қоғамдағы рөлін дәріптеу, өскелең ұрпақтың бойында ата-анаға деген құрмет пен сүйіспеншілікті қалыптастыру, ұлттық құндылықтарды насихаттау болды.
Кеш барысында қатысушыларға әкенің тәрбиедегі орны мен өнегелі өмір жолы туралы мағлұматтар беріліп, тақырыпқа сай дайындалған кітап көрмесі таныстырылды. Көрмеге отбасы тәрбиесі, әке өнегесі, ұлттық құндылықтар мен рухани тәрбиеге арналған әдебиеттер қойылып, оқырмандарға кеңінен насихатталды. Іс-шараның қызықты өтуі үшін түрлі логикалық ойындар мен танымдық тапсырмалар ұйымдастырылып, қатысушылар белсенділік танытты. Ойындар арқылы тапқырлық, ойлау қабілеті мен ынтымақтастық дағдылары дамытылып, көтеріңкі көңіл-күй сыйланды.