Сүйікті ертегілер
2019 жылдың 01 қазан күні қалалық кітапханада балаларды кітап оқуға тарту және қызығушылығын арттыру мақсатында №1 мектеп оқушыларына саяхат жасалды. Саяхатқа 2Ә, 3Б, 3Г сыныптарынан 66 оқушы қатысты.
Ең алдымен балалар жаңа кітаптармен танысты: «Ертегілер елінде» атты кітаптар сериясы, энциклопедиялар: «Менің алғашқы энциклопедиям», «Динозаврлар» ертегілер және әңгімелер «101 далматин», «Аюлар қаласы» саяхатты ұнататын балалар үшін таптырмас сыйлық, «Бөбектерге арналған қызықты ертегілер», «Сүйікті, сиқырлы ертегілер», С. Әкірамұлы «Ұқыпты бала», «Көңілді көліктер» атты сериялы кітаптар, сөздік «Ағылшын тілінің алғашқы 1000 сөзі», «Кел ертегі тыңдайық» атты музыкалық кітаптар, «Азбукварик» атты музыкалық СD плеер.
Аса зор құштарлықпен балалар инновациялық сөйлейтін қалам «Даналық әліппесі» кітаптарындағы ертегілерді, күйлерді тыңдады. Балалар өздеріне ұнаған кітаптарын қызығушылықпен қарап шықты. «Білім орталығында» балалар «Жақсылық пен жамандық», жануарлар жайлы мультфильмдер көрді.
