Таза табиғат – халық байлығы
«Приозерск қалалық кітапханасы» коммуналдық мемлекеттік мекемесінің балалар бөлімінде 5 маусым - Дүниежүзілік қоршаған ортаны қорғау күніне орай «Таза табиғат-халық байлығы» атты экология сағаты өткізілді.
Мақсаты: оқушыларды табиғат тазалығын сақтауға, табиғатпен өзара үндестік таба білуге үйрету, бағыт беру, ойларын дамыту.
Іс-шараға қаладағы № 1 мектептің жанынан құрылған жаздық тынығу лагерінің оқырмандары қатысты.
Жыл мезгілдеріне байланысты табиғаттың тылсым тіршілігі туралы сұрақтарға оқырмандар белсене араласып, мақал-мәтел, жұмбақтар шешті.
Шара барысында оқырмандарға табиғат туралы презентация көрсетіліп, «Таза табиғат-халық байлығы » атты кітап көрмесімен танысты.
Көрмеге кітапхана қорындағы табиғатқа байланысты кітаптар, энциклопедиялар, газет-журнал беттеріне шыққан материалдардан қойылды.
