• 23.09.2024

20 қыркүйек күні «Приозерск қалалық кітапханасы» коммуналдық мемлекеттік мекемесінде «KitapTime – 2024» III жалпы республикалық кітап фестивалі ұйымдастырылды.

Кітап фестивалінің мақсаты – кітап оқуды кеңінен насихаттау,рухани, интеллектуалдық даму жолында жастарды ынталандыру және мәдени құндылықтарымызды халыққа жеткізу;  Фестиваль алдында бірнеше күн бұрын әлеуметтік желіге салынып, хабарландыру жұмыстары жүргізілді.

Кітап фестивалі қатысушыларына қызыққа толы әртүрлі бағдарламалар әзірленді.  Кітапхана алаңында: кітапты насихаттаудың қазіргі формасының бір түрі : Буккросинг «Оқы және өзгеге сыйла»  және «Шебер қолдар»  көрме ұйымдастырылды.Кітапхананың «Білім» орталығында «Үш бәйтерек», «Алаш арыстары»,«Тарихи тұлғалар», «Мерейтой иелері-100жыл», «Кітап-алтын қазына» көрме-инсталяция құрылды.

Оқу бөлімінде «Поэзия Party» салонында ақын, Қазақстанның халық жазушысы, қоғам қайраткері Фариза Оңғарсынованың 85 жылдық мерейтойына орай «Поэзия падишасы» атты поэзия кеші өтті.Кеште поэзияға жаны құштар жастар ақынның шығармашылығынан өлеңдер оқыды.

Фестиваль аясында : «Угадай книгу по кадру из фильма», «Ақыл-жастан, асыл-тастан» викторина, «Қазақтың мақал-мәтелдері» танымдық ойындар, шеберлік сағаттары ұйымдастырылды. Фестивальға мектеп оқушылары, ұстаздар, кітапхана ұжымы қатысты.