• 21.03.2025

2025 жылдың 14 -ші ақпан күні кітапхананың «Білім» орталығында Кеңес әскерлерінің Ауған жерінен шыққанына 36 жыл толуына орай  «Ауған соғысы - тарихтың қасіретті парағы» атты ерлік сағаты өтті. Іс - шараға ауған соғысының ардагерлері Азнабаев Талғат Төлегенұлы, Крупский Валерий Викторович, ҚР Қарулы күштерінің ардагері Кенжебеков Т.А. және № 44841, 06708 әскери бөлімдердің сарбаздары қатысты.

       Мақсаты: Ауған оқиғасының тарихи мағыналық ақиқатын ашу; Ауған соғысы ардагерлеріне құрмет көрсету. Іс-шара ҚР әнұранымен басталды, Кітапханашылар Пак С.А. мен Исхакова А.Ж. оқырмандарға Ауған соғысы туралы мәлімет берді. Ауған соғысында дүниеден өткен ардагерлерді еске алу мақсатында 1 минуттық үнсіздік жариялады. Бүгінгі ерлік сағатымыздың басты қонақтары Ауған соғысының ардагерлері Азнабаев Талғат Төлегенұлы, Крупский Валерий Викторович соғыс кезінде көрген қиыншылықтары мен бастан кешірген оқиғаларымен бөлісіп сұрақ-жауап алысып, сарбаздармен әсерлі әңгіме жүргізді.

        Іс-шара соңында Ауған соғысы жайлы деректі фильм көрсетіліп ардагерлерімізге сыйлықтар табысталып, естелік суретке түсті. «Ауған соғысы-тарихтың қасіретті парағы» тақырыбында кітап көрмесі ұйымдастырылды.