KitapTime – 2023
«Приозерск қалалық кітапханасы» коммуналдық мемлекеттік мекемесінде 15 қыркүйек күні кітапхана алаңында «KitapTime – 2023» жалпы республикалық кітап фестивалі ұйымдастырылды.
«KitapTime - 2023» фестивалінің мақсаты – кітап оқу мәдениетін көтеру, әдебиетті насихаттау, тұрғындарды кітапханаларға тарту және оқырмандардың кітап оқуға деген қызығушылығын арттыру; Фестиваль алдында бірнеше күн бұрын әлеуметтік желіге салынып, хабарландыру жұмыстары жүргізілді. Кітап фестивалі қатысушыларына қызыққа толы бағдарламалар дайындалды
Кітапхана алаңында: «Қызықты кітап шоғыры», «Ерекше кітаптар әлемі», салт-дәстүрге байланысты «Дәстүрім-байлығым» кітап көрмелері , фотозона, кітапты насихаттаудың қазіргі формасының бір түрі – «Оқы және өзгеге сыйла» буккроссинг ұйымдастырылды.
Жергілікті ақынымыз, ұлағатты ұстаз Орынбек Орынбасарұлы Айтбенбетов кітап фестивалінің ашылуында сөз сөйлеп, кітапханаға өз кітаптарын табыс етті. Фестиваль аясында оқушылар: «Ертегі еліне саяхат», «Ақыл-жастан, асыл-тастан» , «Кітап нені сүйеді?» викториналық ойындар, «Мақалды жалғастыр» сөзжұмбақ шешу,«Әдеби лото» интелектуалды ойындарға қатысып, жеңімпаздарға сыйлықтар табысталды. Фестивальге қатысушылар «KitapTime – 2023» фотозона алаңында суретке түсіп, фотосессия жасауға мүмкіндік алды.
Фестивальға мектеп оқушылары, ұстаздар, мектеп кітапханашылары және мәдениет үйінің қызметкерлері мен кітапхана ұжымы қатысты.
