Кітапхана – әлеміне саяхат
2019 жылы сәуір айында «Приозерск қалалық кітапханасы» коммуналдық мемлекеттік мекемесінде «Кітапхана – әлеміне саяхат» атты оқырмандарға арналған библиографиялық шолу ұйымдастырылды. Келген оқырмандар назарына 2019 жылы келіп түскен жаңа кітаптар ұсынылды.
Көрменің мақсаты: оқушылардың кітапқа ұқыптылықпен, құрметпен қарауына әсер ету; кітап оқуға қызығушылығын арттыруға себеп болу; тіл байлығын дамыту; бос уақыттарын тиімді пайдалануға үйрету.
Пайда ойлама, ар ойла,
Талап қыл артық білуге.
Артық білім кітапта,
Ерінбей оқып көруге - деп Абай атамыз айтқандай ілім - білімнің сарқылмас қазынасын кітаптан аламыз. Адамзат баласының жер басып өмір сүрген уақытынан, бүгінгі күнге дейінгі басты үш құндылығы: білім, ғылым және өнер. Ал осы құндылықтардың қыр - сырын түсінуге қол ұшын беретін алуан түрлі жаңалықтарды ашуға апаратын бірден - бір жолдың ордасы – кітапхана.
Кітапхана – мәдени-ағартушылық мекеме. Кітапхана баспасөз шығармаларын жинау, сақтау, насихаттаумен, оқырмандарға баспасөз шығармаларын берумен, мәдени-ағарту және ғылыми-көпшілік жұмыстарын ұйымдастырумен шұғылданады. Саяхаттау соңында оқырмандар назарына «Кітапхана – ғажайып қазына» атты кітап көрмесімен таныстырылды.
