Мағжан жыры-мәңгілік
2023 жылдың 22 мамыр күні кітапхананың «Білім» орталығында ақын, Алаш қозғалысының мүшесі Мағжан Жұмабаевтың 130 жылдығына орай «Мағжан жыры-мәңгілік» атты Мағжан оқулары өтті. Байқауға қалалық мектептерден 12 оқушы қатысты. Ережеге сай конкурс екі бағыт бойынша ұйымдастырылды. Оқушылар өздері шығарған өлеңдерін оқыды, ақынның өлеңдерін жатқа білетіндерін көрсетті. Мағжан оқуларының мақсаты - жалынды ақын Мағжан Жұмабаев мұрасын жас ұрпаққа насихаттау және ұлттық құндылықтарды дәріптеу; өскелең ұрпаққа ақын өмірі мен шығармашылық мұрасын кеңінен таныту;
Нәтижесінде Мағжан шығармаларын жатқа оқу «Өлең - менің Шолпаным, Айым, Күнім» бағыты бойынша І дәрежелі дипломмен № 2 мектеп оқушысы Оспан Нұрай , ІІ дәрежелі дипломмен № 1 мектеп оқушысы Егінбай Ақниет, III дәрежелі дипломмен Жанаділ Аида марапатталды .
«Ақын да бір бала ғой айға ұмтылған» бағыты бойынша І дәрежелі дипломмен №1 мектеп оқушысы Әлімбек Ақниет , II дәрежелі дипломмен № 2 мектеп оқушысы Жеңіс Жанерке марапатталды.
Байқау жеңімпаздары арнайы диплом және сыйлықтармен марапатталып, қатысушыларға арнайы алғыс хаттар табысталды.
