Наурыз- жыл басы

Мәдениет және ұлттық салт-дәстүрді насихаттау барысында 2025 жылдың 17 наурызында қалалық кітапхананың білім орталығында «Наурыз – жыл басы» тақырыбында этнографиялық кеш ұйымдастырылып өткізілді. Кештің мақсаты Наурыз мейрамы туралы түсінік беру арқылы қазақ халқының салт-дәстүрін көрсету және оны құрметтей білуге тәрбиелеу. Наурыз мерекесінің қазақ даласындағы орны, Наурыз мерекесін ұлттық салт-дәстүрімізбен, әдет-ғұрпымызбен байланыстыра насихаттап, ұрпақтардың өз ұлтына деген сүйіспеншілігін арттыру болатын. Этнографиялық кешке «Сырлас» клубының мүшелері мен шақырылған қонақтар келді. Іс-шараны келген қонақтардың бірі құттықтау сөзімен, тілегімен ашып, әрі қарай концерттік бағдарламамен жалғасын тапты. Іс-шара барысында келген қонақтарға қазақ халқының ұмытылған салт-дәстүрлері туралы сұрақтар қойылып, видеоролик көрсетілді. Этнографиялық кеште кітаптар мен қолөнер көрмесі де ұйымдастырылды. Іс-шарада қазақтың салт-дәстүрі «Сырға салу» рәсімі көрсетіліп, насихатталды. Сонымен қатар іс-шара соңында келген қонақтарға Наурыз көже ұсынылды. Келген қонақтар өз ризашылықтарын білдіріп, ақ баталарын берді.