«Сарыарқа жастары»
2019 жылдың 19 шілдесінде Приозерск қаласында өтіп жатқан «Сарыарқа жастары» форумына қатысушылар: «Жаңғыру жолы» ҚХА республикалық жастар қозғалысы аймақтық штабының мүшелері мен Қарағанды облысының этномәдени бірлестіктерінің жас өкілдері «Приозерск қалалық кітапханасы» коммуналдық мемлекеттік мекемесіне экскурсия жасады.
Экскурсия барысында олар кітапханадағы «Атамұра» қазақ халқының мәдеиетін, салт-дәстүрін және әдет-ғұрпын дамыту жөніндегі орталықпен және жаңадан ашылған «Білім» орталығымен танысты. Қазақстан халқы Ассамблеясы төрағасының орынбасары Шерзод Аббозович Пулатов кітапханаға үш тілде шыққан «Жерұйық» кітабын сыйлады.
Қарағанды облысы әкімі аппаратының «Қоғамдық келісім» КММ директоры Ерлан Бейсембайұлы Құсайын және Қазақстан халқы Ассамблеясы төрағасының орынбасары Шерзод Аббозович Пулатов кітапханамызға өздерінің ізгі тілектері мен пікірлерін қалдырды.
