ЖИТС- адамзатқа төнген қауіпті дерт
2019 жылдың 27 қараша күні «Приозерск қалалық кітапханасы» коммуналдық мемлекеттік мекемесінің балалар кітапханасында «ЖИТС – адамзатқа төнген қауіпті дерт» тақырыбында әңгіме шолу өтті. Іс-шараға 1 мектеп оқушылары қатысты.
Мақсаты: Адамзат өміріне қауіп төндіріп отырған қатерлі ЖИТС дертінің алдын - алу, оның жұғу жолдарын одан сақтана, қорғана білу туралы түсіндіру; салауатты өмір салтын қалыптастыру; оқушыларды жаман әдеттен аулақ болуға, адамгершілікке, инабаттылыққа, елжандылыққа тәрбиелеу;
Іс-шара барысында кітапханашы ғасыр індетінің тарихы, белгілері, таралуы және одан сақтану жолдары, салауатты өмір салтының ұстанымдары туралы мағлұмат берді. Одан кейін оқушылар берілген тақырыпқа пікір алмасып, АҚТҚ/ЖҚТБ туралы ақпарат қамтылған брошюрамен танысты. Іс-шара соңында «ЖИТС – адамзатқа төнген қауіпті дерт» атты кітап көрмесі оқырмандар назарына ұсынылды.
