«Сырда туған сырбаз ақын»
2019 жылдың 1 ақпан күні «Приозерск қалалық кітапханасы» коммуналдық мемлекеттік мекемесінің оқу залында «Бір ел – бір кітап» акциясы аясында, сондай-ақ, ақын, драматург, Қазақстанның халық жазушысы Әбділда Тәжібаевтың 110 жылдық мерей тойына орай «Сырда туған сырбаз ақын» тақырыбында поэзия кеші өтті.
Мақсаты: ақын Әбділда Тәжібаев туралы мағлұмат беру, өшпес көркем мұрасын жас ұрпаққа насихаттау, ақын шығармалары арқылы поэзияға деген сүйіспеншілігін арттыру;
Іс-шараға №1 мектептің 10 сынып оқушылары мен қазақ тілі мұғалімі Хизирова Маржанкүл қатысты.
Оқушылар Әбділда Тәжібаевтың өмірі мен шығармашылығына тоқталып, өлеңдерін жатқа оқыды. Ә.Тәжібаевтың өмірі мен шығармашылығына арналған бейнебаян көрсетілді.
Сонымен қатар «Семсер жырдың қорғаны», «Ұлттық поэзия бәйтерегі» атты кітап көрмелерімен танысып,тамашалады.
