Жауынгер және жазушы Б.Момышұлы
2018 жылдың 19 қыркүйек күні республикалық «Бір ел-бір кітап» акциясы аясында таңдалынып алынған қазақ халқының батыры, Халық қаһарманы Бауыржан Момышұлының «Ұшқан ұя» повесі бойынша танымдық кеш өтті. Іс-шараға №1 мектептің 10 сынып оқушылары қатысты.
Мақсаты: Бауыржан Момышұлының өмірінен қысқаша айту, ерлігі мен шығармаларын түсіндіру; оқушыларды Б. Момышұлының «Ұшқан ұя» әңгімесімен таныстыру; әңгіменің мазмұны мен идеясын меңгеру;
Бауыржан Момышұлын әдебиеттің биік тұғырына көтерген шығармасы- «Ұшқан ұя» кітабы. Бұл кітабы үшін ол Қазақстан Республикасының Мемлекеттік сыйлығына ие болған. Бауыржан Момышұлының дәстүрдің озығын қайта әкелудегі әрекеті осы «Ұшқан ұя» повесі арқылы өрбігенін аңғарамыз.
Іс-шара барысында оқырмандарға «Бауыржан Момышұлының өз дауысы» атты бейнеролик көрсетіліп, шығармашылығы туралы кітап көрмесі қойылды.
