Көрнекті ақын Сағи Жиенбаевтың он томдық шығармалар жинағының екінші томына енген өлеңдерінен туған топыраққа, ұлт пен жұртқа деген ыстық ықылас байқалады, ұрпақ бойындағы ұлттық сезімді оятатын, ұлттық рухты көтеретін өршіл өлеңдер де баршылық.

Жас ақын Танакөз Толқынқызының бұл жинағына махаббат, достық, сүйіспеншілік жайлы лирикалық өлеңдері еніп отыр.

Автордың әрбір туындысынан өзіндік қолтаңбасы айқын аңғарылады.

Ақан Серік Сейітманның  бұл жинағына азаматтық лирикалары мен өлең тақырыптарына сай «Шумақталмаған ойлары», «Лебіздің мәні» айдарымен зиялы қауымның пікірлері еніп отыр.Кітапта қазақтың ұлттық және мемлекеттік құндылықтары өлең тілімен өрнектелген.

Халықаралық «Алаш» әдеби сыйлығының лауреаты, Халықаралық Түркі тілдес елдер поэзиясы фестивалінің лауреаты, көрнекті ақын Серік Тұрғынбекұлының бұл жинағына өлеңдерімен қоса тарихи және лирикалық дастандары енді.

Кітап өлең құмар оқырманға арналған.

Интеллектуалды қазақ поэзиясының танымал өкілі Бауыржан Қарағызұлы –әдебиет әлеміне өз дауысымен, өзгеше қолтаңбасымен келген талантты ақын. Оның жүрегінен шыққан жыр жауhарлары «Жүрек кітабы» арқылы кез келген адамның жүрегіне жол тауып, бей-жай қалдырмасы анық.

Жинақ әдебиеттанушылар мен талғамы жоғары оқырмандарға арналған.

Жас ақын Серікбай Әбілмәжіннің бұл алғашқы жыр жинағы ақынның нүкте мен шексіздікке, өткен шақ пен бүгіннің жұмбақ елесіне  деген аңсары hәм сағынышы шерлі жүрек шертпесіндей сыр аңғартады.

Тауда туып, орман жырына сусындаған, көкжал мінезді, қаршыға серпінді жас шәйірдің биіктікке ұмтылып, тұңғиыққа батқан, сағыныш пен махабатқа тұнған сері жырлары жүректерге жол табары шүбасыз. Кітап көпшілік оқырман қауымға арналған.

Қоңыраулы үн деп аталатын осынау жыр жинағына Қытайдағы қатары қалың қазақ ақын қыз-келіншектерінің бірсыпырасының өлеңдері топтастырылған. Жас мөлшерлері әртүрлі, атқаратын қызметтері әрқилы шетелдік ақын қыз-келіншектердің шығармашылық қолтаңбасын қазақы болмыс, нәзіктік пен сезімталдық айқындайды.

Атажұрттан қияндап ұзап, алыстағы шүй жеріне қоныс тепкен қазақтардың дүрбелеңге толы өмірі ресейлік Пионер Мұхтасыровтың Бәйтеректің оқшау шыққан бұтағы кітабында нақты деректерге сүйене отырып көрсетіледі.

Автор тақырыпты толық ашу үшін көркем әдебиет пен деректі прозаға тән тәсілдерді шебер ұштастыра білген. Өткен күн, аққан сумен бірге көмескіленіп сөнуге, жоқ болуға тақаған ежелгі шешендік дәстүрлеріміз бұл кітап арқылы жадымызда қайта жаңғыра түседі.

Ұрпағына өнегелі өміршең іс қалдырған халқымыздың ардақ тұтар асыл азаматтарының бірі Нұрмолда Алдабергенов.

Оның бар ғұмыр ел-жұртына тек адал қызмет істеумен өтті. Бүкіл бір дәуірдің қуаныш пен қайғысын, жақсылығы мен жамандығын тең көріп, тең көтерген нар тұлға Нұрекеңнің қилы да, қызық тағдыры бұл кітапта еш қоспасыз аса шыншылдықпен баяндаладыКітап көпшілік оқырман қауымға арналған.

Көрнекті ақын, халықаралық «Алаш» әдеби сыйлығының лауреаты Ғалым Жайлыбайдың бұл жинағында әр жылдары жазған таңдаулы туындылары енгізілген. Қашанда өлеңді өмір суреттерімен, ашық бояумен елестететін қаламгер жаңашылдығы  - оның тілінде, бейнелік сипатында.Көркемдік көрігінен шыққандай төрт бөлімнен тұратын жинақ көпшілік көңілінен шығар деп сенеміз.