Басты рухани қазынамыз саналатын ана тіліміздің кумулятивтік қызметін жан-жақты ашып көрсететін, тарихи морфология мен лексикологияның өзекті теориялық мәселелерін сөз етіп зерттеуші еңбегі тілші ғалымдарға және көпшілік тіл жанашырларына арналған.

Қазақ және орыс ертегілерінің желісімен дайындалып, түрлі түсті суреттармен көркемделген ертегілер жинағы балалар кітапханасын толықтырады. Тілі жеңіл, қабылдауға оңай, танымдық деректері мол жинақтың балаларға берері мол.

Белгілі жазушы-драматург, халықаралық «Алаш» әдеби сыйлығының иегері Думан Рамазанның бұл жаңа жинағына пьесалары мен аудармалары, әдеби сын мақалалары мен жолжазбалары топтастырылған.

Халық ауыз әдебиетінің ерекше бір қызық та құнарлы түрі – ертегілер. Аталған жинақта Алтай, Әзербайжан, Башқұрт, Қазақ, қырғыз, Өзбек, Татар, Түрік ертегілерімен қатар т.б ұлттардың небір тамаша ертегілері қамтылған. Халықтардың ерте дәуірдегі тұрмыс тіршілігінен және ой-арманынан туған бұл ертегілердің тілі жеңіл, тәрбиелік, танымдық маңызы зор. Жинақ жас оқырман балаларға арналған.

Корей ертегілері – Корей елінің ертедегі өмірі мен тіршілігінен хабар береді. Танымдық және тәрбиелік мәні зор ертегілердің тілі жеңіл әрі мазмұны қызықты. Корей тілінен аударылған ертегілер жинағы балаларға және корей халқы туралы оқып-білгісі келетін оқырмандарға арналған.

Бөкенбаева Э.
Жауқазын жылды гүлдейді. - Алматы: Баспагерлер мен кітаптаратушылар ассоциациясы, 2014. – 176 б.
«Жауқазын жылда гүлдейді» жинағына 2013-2014 жылы жоғары сынып оқушылары, студенттер арасында Ұлттық мемлекеттік кітап палатасы, Қазақстан Жазушылар одағы, Баспагерлер мен кітап таратушылар ассоциациясы, «Жас Өркен» серіктестігі ұйымдастырған «Жауқазын» республикалық әдеби көркем шығармалар бәйгесі жеңімпаздарының шағармалары енген. Жинаққа жеңімпаз жас қаламгерлердің

 "Айналайындарым менің". Д. Матайқызы. Жас ұрпаққа арнап ұлттық салт-сананы, дәстүрімізді, әдет-ғұрпымызды өмірбаяндық деректермен байланыстыра отырып өсиет етіп жазған Ділдә Матайқызы Тасмағамбеткелінінің бұдан бұрын жарық көрген «Тәрбие туралы толғаныс» атты кітабы оқырмандардың ыстық ықыласына, үлкен құрметіне бөленген. Сол қалың оқырманның өтінішіне орай, туған тарихымыз, саяси-әлеуметтік тың көзқарастар, алуан түрлі өмірлік мысалдармен толықтырылып, қайтадан жазылған бұл жинақ та сіздердің сырлас достарыңызға айналар деген сенімдеміз.

Сейіт Қасқабасов: Таңдамалы-Астана: Фолиант, 2014ж

   Көрнекті ғалым, ҚР Мемлекеттік сыйлығының лауреаты, ҰҒА академигі Сейіт Қасқабасов  Таңдамалы шығармаларының бірінші томына ертегі, эпос, аңыз, хикаят, миф, т.б құрайтын халық прозасына қатысты еңбектері, ғылыми зерттеулері енді.

Кітап әдебиет пен фольклорды, өнер мен мәдениетті зерттеушілерге, тарихшылар мен философтарға, сондай-ақ әр елдің фольклоры мен мифологиясын салыстыра талдайтын мамандарға,халық мұрасын сүйетін жалпы қауымға арналды. 

Қазақ халқы ауыз әдебиетінің ең құнарлы саласы– батырлық жырлары. Көне ғасырлар қойнауынан бастау алып, бүгінгі заманға дейін үзілмей жеткен осынау ғажайып жырлар халқымыздың талай буынын ерлік пен елдік рухында тәрбиелеумен келеді.     

 «Қазақтың батырлық жырлары!» атты бұл көлемді антологияға халқымыздың ерлікті,елдікті жырлаған қаһармандық толғауларының негізгі дені топтастырылды.

Жинаққа 50 батырлық жыр енді.

Антология Казахстан Республикасының Президенті Н.Ә. Назарбаевтың бастамасымен қабылданған « Мәдени мұра» ұлттық жобасы аясында жарияға шықты.

«Қазақтың дәстүрлі 1000 әні» жинағына енген дәстүрлі әндер К. Байсейітова, Ж. Елебеков, Ғ. Құрманғалиев, Қ. Жандарбеков, Е. Өмірзақов, М. Ержанов, Е. Серкебаев, Р. Бағланова, Б.Төлегенова сияқты саңлақ әншілерімізден бастап,Ж.Кәрменов, Қ. Байбосынов, Б.Тілеухан, Р.Стамғазиев және А. Қосанова сияқты кейінгі буын топжарғандарының нақышына келтіре орындауы жобаның құнын да, маңызын да арттыра түсетіні анық .