Кел балалар оқылық

Бұл жинаққа халқымыздың аса көрнекті ағартушысы, жазушы, этнограф, фольклоршы, қоғам қайраткері Ыбырай Алтынсариннің әңгіме, өлеңдері мен этнографиялық очерктері топтастырылған. Жаңашыл педагогтің жастарды білім алуға, өнерге, ғылым жолына түсуге үндеген ой-тұжырымдары бүгінгі оқырмандары үшін де өзекті екені анық. 

Шығармалар жинағы

Мұқабасы тозса да, мазмұны тозбас бұл кітапқа қазақ әдебиетінің көрнекті өкілі, сыршыл ақын Мағжан Жұмабаевтың Өлеңдері мен поэмалары еніп отыр. Иіні енген, иірімі терең өткелек өмірдің өзек өртер кермек жас мұңы да, терең ой сыры да ақын өлеңдерінің өзегі мен өрнегіне айналған.                                                                                                                    Кітап қазақтың қара өлеңін қадірлей білетін қалың жұртшылыққа арналған.

Жау тылындағы бала

Көрнекті жазушы Қасым Қайсенов бұл кітабында Ұлы Отан соғысы кезінде жау тылындағы партизандардың басқыншыларға қарсы жасаған зор ерліктерін және өзінің ауылда өткен балалық шағын үлкен тебіреніспен суреттеп жазған.                                                                                     Кітап көпшілік қауым оқырманға арналған. 

Менің атым Қожа

Көрнекті балалар жазушысы Бердібек Соқпақбаевтың бұл кітабына «Менің атым Қожа», «Балалық шаққа саяхат» атты оқырман қауым арасына кең тараған екі повесі еніп отыр. Бұларда ауыл өмірі, ауыл балаларының мінез-құлық, арман-мақсаты шынайы да шырайлы бейнеленген.

Шығармалар жинағы

Жүсіпбек  Аймауытовтың бұл жинағына өзі өмір сүрген заманындағы әлеуметтік төңкерістер, әйел теңдігі оның қоғамдағы орны туралы баяндайтын «Ақбілек» романы мен ел сүйіспеншілігіне  бөленген өнер адамының өмірдегі қарапайым қасиеттерін бейнелейтін «Әнші» әңгімесі енгізілген.

Шығармалар жинағы

Бұл басылымға мектеп бағдарламасы бойынша оқылған Абай Құнанбаевтың (1845-1904) шығармалары – өлеңдері, поэмалары, аудармалары, ғақлия (нақыл) сөздері және басқа да қосымша әдеби және әдістемелік материалдар енгізілген. Оқушы ұлы ақынның шығармаларын терең түсініп қана қоймай, Абайды қазақ халқының тарихындағы ұлы тұлғалардың бірі, өз заманының кемел қайраткері, ұлт мәдениетінің берік негізін қалаушы ретінде танып-біледі. Кітап оқушылардың ғылыми жұмыспен айналысуына да үлкен көмек, шығарма және реферат жазу кезінде де көмекші құрал бола алады.

Шығармалар жинағы

«Жасөспірімдер кітапханасы» сериясымен оқырманға жол тартқан бұл кітапқа – Жыр алыбы Жамбылдың жырлары, өмірі мен өскен ортасы жайынан мағлұматтар беретін құнды еңбектер енгізілген. Жамбылдың жыр-өлеңі өмірдің өз отынан туындап, өмірдің өзіне өлең болып құйылған бастау. Шындықтың шымынан шыңдалып шыққан Жамбылдың айтар ойы айқын, шымыр, шыншыл, шұрайлы, толғақ-толғаулы. Жамбыл жыры жас ұрпақты жасампаздыққа, ерлік істерге, ел мен жерді құрметтеп, сүюге шақырады.

Среди эпических сказаний казахской устной литературы это произведение является одним из широко известных, популярных в народе, своего рода символом любви и верности. В народе существует несколько вариантов этого поэтического эпоса. Автор старался адаптировать его к особенностям детского восприятия и к школьной программе. Эпос дан в более расширенном варианте, нежели в учебнике. Это позволяет использовать книгу как дополнительный материал на занятиях по литературе. Книга предназначена для учителей и школьников, родителей, а также для широкого круга читателей.

Жәнібек пен атасы

Белгілі ақын Сәкен Иманасовтың бұл жинағына балаларға арналып жазылған өлеңдері мен әңгімелері, ертегілері, сонымен бірге орыс, белорусь, қырғыз қаламгерлерінің шығармаларынан әр жылдары аударылған туындылары топтастырылды. Кітап бөбнетер мен мектеп оқушыларынан арналған.

Шығармалар жинағы

Бұл жинаққа Сұлтанмахмұт Торайғыровтың (1893-1920) шығармалары – «Қамар сұлу», «Кім жазықты?» романдары мен «Адасқан өмір», «Айтыс» поэмалары, өлеңдері және ақынның өмірі мен шығармасын зерттеген қосымша әдеби және әдістемелік материалдар енгізілген.