Футболдан әлем чемпионаттарының шежіресі
Аталмыш кітаптың авторы-алпыс жылдан бері спорт тақырыбына қалам тартумен қатар, әр жылдары әлемнің әр түкпірінде өткен айтулы додалардан қызықты деректерді тірнектеп жиып-теріп жүрген журналист. Ол өткен ғасырдың отызыншы жылынан бері төрімізге шыққан футбол додасының тарихын бүге-шігесіне дейін тізіп, есеп-қисаптарын жүйелеп, сұлбасын бір арнаға тоғытты. Кітаптың ең басты құндылығы осында.
Автордың бұл кітабы осыдан бес жыл бұрын «Өнер» баспасынан «Футбол. Чемпионаттар шежіресі» деген атпен жарық көрген жинағының тың деректермен толықтырылып, өңделген нұсқасы.
Кітап көпшілік оқырманға, жанкүйерлер қауымына арналған.