Қазақстан-Ресей Әдеби альманах
Жыл сайын шығатын «Қазақстан-Ресей» әдеби-көркем альманағының үшінші басылымы Ресей Федерациясы мен Қазақстан Республикасы арасындағы Достық пен ынтымақтастық туралы келісімшарттың 25 жылдығына арналады. Біздің елдеріміздің экономикалық, қоғамдық-әлеуметтік жетістіктері, мәдениет пен өнерінің дамуы іргелес жатқан территорияларда мекендейтін халықтардың бірлігіне, олардың бейбітшілік пен тату көршілікке ортақ ұмтылысына негізделеді. Белгілі жазушылар мен ақындардың этникалық тұрғыда әртүрлі шығармашылық есімдерінің басын біріктірген бұл кітапта көп ұлтты Евразия біртұтас әдеби құрлық ретінде көрініс береді.