«Жас толқын» ақындар клубына 1 жыл
Халқымыздың асыл мұрасына айналған ақын жазушылардың құнды дүниелерін таныстыру негізінде және жас қаламгерлердің өз шығармаларын дәріптеу мақсатында «Жас толқын» жас ақындар клубы ұлттық тәлім тәрбиені басшылыққа ала отырып, әртүрлі кештер ұйымдастырып, ән –жырымен өрнектейді.Бүгінде сол үрдіспен кітапханамызда «Жас толқын» жас ақындар клубының бір жылдық мерей тойы тойланып өтті. Қаламыздың ақындары Хизирова Маржанкүл Хожабекқызы, Жунусова Шаризат қонаққа келіп, клуб мүшелерімен өз ойларымен бөлісті.
«Жас толқын» жас ақындар клубы мүшелерінің ақындық өнерге әдебиетке деген қызығуы өте жоғары. Абай, Мұқағали, Қасым, Сәкен, Пушкин үлгісімен жыр жазатын, қалалық, облыстық байқауларда жүзден жүйрік атанып жүрген оқушыларымыз жетерлік.
Атап айтар болсам: Казимова Лаура 9 «в» сыныбы, Батыл Бүлдіршін 9 «в» сыныбы, Бессенова Мөлдір 9 «ә» сыныбы, Джанбаева Гүлсая 10 «б» сыныбы, Юсупов Еламан 9«ә» сыныбы және т.б белсене қатысып, өз өлеңдерін оқыды.
Әрқашанда біздің елімізді көркейтіп, қазақ елін рухтандырар жас ақындарымыз көбейіп, өркендей берсін демекпін.
Оқу бөлімінің кітапханашысы М.Тажиева.