«Желтоқсан ызғары»
2017 жылдың 13 желтоқсан күні «Приозерск қалалық кітапханасы» коммуналдық мемлекеттік мекемесінің кітапханашылары №1 мектептің 6 сынып оқушыларының қатысуымен 16-желтоқсан Тәуелсіздік күніне орай «Желтоқсан ызғары» атты тәрбие сағаты өткізілді.
Мақсаты: Оқушылардың өткен тарихымызға деген ұлттық көзқарастарын қалыптастыру. Оқушыларды елді, Отанын сүюге және егемен елімізді сақтауға және оны гүлдендіруге құштар патриоттық күш – қуаты мол жастарды тәрбиелеу. Желтоқсанда мерт болған қазақ қыздары мен жігіттерінің рухына, ерлігіне деген тағзым.
16 желтоқсан – ата бабамыздың арманы орындалып, жасампаздығымызды жаңа белеске көтерген Тәуелсіздік күні. 1991 жылғы 16 желтоқсанда Президент Нұрсұлтан Назарбаев қол қойған Конституциялық Заңнан бастау алған. Желтоқсан көтерілісі — 1986 жылы 17 — 18 желтоқсан аралығында Алматыда болған қазақ жастарының КСРО үкіметінің отаршылдық, әміршіл-әкімшіл жүйесіне қарсы наразылық іс-қимылдары. Бостандыққа, тәуелсіздікке ұмтылған қазақ халқы тарихындағы елеулі оқиға болып табылады. Балаларға желтоқсан оқиғасы туралы түсінік берді. Сұрақ - жауаптар қойылды. Балалар жақсы ат салысып отырды. Тәрбие сағаты барысында «Тәуелсіз елдің ұрпағымыз» атты презентация көрсетіліп, «Өткен күрестер жеңісі-Тәуелсіздік жемісі» атты кітап көрмесі құрылды.
