«Жеті жамбы» аталатын бұл кітап халқымыздың рухани  қазынасының танымал  үлгілерінен  құрастырылды . Пайдалануға қолайлы болу үшін, кітап  мазмұны мен жанр ерекшелігіне қарай жеті бөлімге бөлініп, әрқайсысы үлкен кітап-кешеннің ішіндегі өз алдына жеке кітапша ретінде қарастырылу мүмкіндігі  көзделді.  Оларда жанр бойынша: ертегілер, тұрмыс –салт жырлары, мақал-мәтелдер, жұмбақтар, жаңылтпаштар, даналардан қалған нақыл сөздер, шешендік толғаулар, жыр-термелер, халық әндері, балалар ойындары қамтылды. Мақсат – балаларды жасынан тапқырлыққа, естілікке, тектілікке, дегдарлыққа, салауаттылыққа баулу, ойын дамыту. Кітап мектеп оқушыларының, ата-аналардың, сынып пен үйірме жетекшілерінің және басқа да ынталы оқырмандардың пайдалануына арналды. 

На  мой  взгляд,   в  этом  небольшом  книжном  издании  большее  место занимает  описание  о  воскрешении   всего  тайного  в  истории   многих народов.

Суырып салма ақындардың ішінде әрі қарапайым, әрі тапқыр юморы түгесілмей, үсті –үстіне іздеуден шалдықпайтын Бақтыбай Жолбарысұлының, өлеңді жазып та, қолма-қол айтып та шығара беретін, әрі ойлы, білімді Майлықожа Сұлтанқожаұлының табан астында тауып айтқан туындылары бұған дейінгі жинақтарынан сұрыпталынып алынды.

Атақты сазгер, қазақтың біртума таланты Шәмші Қалдаяқов туралы «Шәмші-дария» атты дастанында қаламгер өнерге шын ықыласымен берілген Шәмшінің қилы-қилы тағдырын, қиын-қыстау шығармашылық өмір жолын нақты деректер арқылы өлең тілімен өрнектеп береді.

   Дастанмен бірге қаламгердің повестері мен әңгімелері де беріліп отыр.

 Алапат соғыстың от пен жалынына оранған КСРО-ның еуропалық бөлігіндегі ұлы айқаста өзге ұлт өкілдерімен қатар қазақ сарбаздары мен сардарларының да ерекше көзге түскені әлем жұртшылығына мәшһүр. Олар сол кездегі ортақ Отанымыздың астанасы Мәскеу мен Сталинградты жаудан қорғап, Берлинге дейін барды, Рейхстагқа алғашқылардың бірі болып ту тікті. Фашизмді түбегейлі тізе бүктіру үшін Квантун армиясын Қиыр шығыстан түре қуып, Тынық мұхиты жағалауына дейін жетті.

  Ер есімі-ел есінде. Естелік кітабы-өткен ғасырдағы зұлматты соғыс дәуірінің куәсі, Ұлы Отан соғысы жылдарында қан майданда қаза болғандарға, хабарсыз кеткендерге деген ескерткіш құжат.

   Кітап Ұлы Жеңістің 70 жылдығына орай жинақталып, әзірленді, көпшілік оқырман қауымға, зерттеушілерге, сондай-ақ мемлекетіміздің қаһармандық тарихын құрметтейтін әрбір жанға арналған

Халықаралық «Алаш» әдеби сыйлығының иегері, ҚР еңбек сіңірген қайреткері, қазақтың көрнекті ақыны Сәкен Иманасовтың таңдамалы жинағының үшінші томына оның кейінгі жылдары жазылып, кітаптарында жарияланбаған және балаларға арналған өлеңдері мен аудармалары енді.

   Кітап көпшілік қауымға арналған.

 Ербол Шаймерденұлы Шығармалар жинағының алтыншы томына енген мақалалар мен көсем сөздер, түрлі жиындар мен конференцияларда, ресми шараларда сөйлеген сөздер мен жасалған баяндамалар, ғылыми-көпшілік талдаулар автордың атқарған қызметтеріне орай тәуелсіздік жылдарында шешуге тура келген мәселелерге қатысты көзқарастарын танытады. Мемлекет басшысының баспасөз хатшысы, Парламенттің баспасөз қызметінің жетекшісі, Мәдениет және ақпарат министрлігі  департаментінің директоры, комитетінің төрағасы бола жүріп, ұлы өзгерістер кезеңін көзбен көруші ғана емес, солардың тікелей қатысушысы ретіндегі жан тебіренісі мен күйзелісін жұртшылық алдына жайып салады. Кітап еліміздің тарихын білгісі келетін, тәуелсіз даму  кезеңінде  қоғамда шешімін тапқан мәселелердің жай күйіне қаныққысы келетін оқырман қауымға арналған.

Көрнекті ақын әрі мемлекет және қоғам қайреткері Кәкімбек Салықовтың бұл жинағына негізінен өзі туып-өскен қасиетті де аяулы атамекеніне және туған еліне арнаған таңдаулы туындылары еніп отыр. Бұл шығармалардың қай-қайсысынан да ақынның елі мен жеріне деген зор махаббаты,шынайы құрметі мен сүйіспеншілігі айқын аңғарылады.

   Жинақ көпшілік оқырман қауымға арналған

Бұл кітапта тоқсаныншы жылдардың басында Монғолиядан атажұртқа бет алған алғашқы көш жөнінде сөз етіледі. Мұның өзі еліміз тарихындағы тұтас бір жаңа кезеңнің басталуы іспетті оқиға еді. Кітапқа осы көшті ұйымдастырушылардың бірі болған автордың тізбектемелік, анықтамалық деректерге бай естеліктері мен мақалалары, сұхбаттары енген.Кітап көпшілік қауымға арналған.