Новые книги
Ақселеу Сейдімбек. Шығармалары
Көрнекті ғалым – жазушы, филология ғылымының докторы, профессор, Қазақстан Республикасы Мемлекеттік сыйлығының лауреаты, Қазақстанның еңбек сіңірген қайраткері Ақселеу Сланұлы Сейдімбектің «Сарыарқа кітапханасы» сериясымен жарық көріп отырған шығармалар жинағының екінші томына 1972-1991 жылдар аралығын қамтитын күнделіктері топтастырылды.
Кітап көпшілік оқырманға арналған.
Камал Смайылов. Шығармалары
Қазақстан Журналистика академисының толық мүшесі, Қазақстан Республикасының еңбек сіңірген қайраткері, С.Сейфуллин атындағы сыйлықтың лауреаты, жазушы – публицист Камал Смайыловтың шығармалар жинағына дәуір шындығы мен заман тынысын арқау еткен очерктері, публицистикалық ой- толғамдары енген. Сондай- ақ осы кітапқа халық жазушысы әрі көрнекті қоғам қайраткері Шерхан Мұртазамен баспасөз бетінде («Егемен Қазақстан») жазысқан әңгіме-хаттары топтастырылған.
Кітап көпшілік оқырманға арналған.
Арна
«Сарыарқа кітапханасы» сериясымен шыққан «Арна» ұжымдық жинаққа сегіз ақынның, атап айтқанда, Қуаныш Ахметов, Қалиақпар Әбілдин, Хамит Жаманов, Тұрсын Жұмаш, Серғазы Зекенов, Зейнолла Көшкенов, Базар Мамыр, Атымтай Оспанның шығармалары топтастырылды.
Жүрегі бөлек, тілегі бір, арманы бөлек, мақсаты бір марғасқалардың өлең – жырларын бір арнаға тоғыстырған бұл жинақ өлеңсүйер оқырманға арналған.
Әлжаппар Әбішев. Шығармалары
Қазақстанның халық жазушысы Әлжаппар Әбішевтің «Сарыарқа кітапханасы» сериясына енген шығармаларының екінші томына «Найзағай»романының заңды жалғасы- «Атыңнан айналайын» еніп отыр. Алаштың күрескер ұлы Мәдидің бастан кешкен ғұмыры шынайы суреттелетін «Кек» және «Ант» атты екі бөлімнен тұратын бұл шығарма өз кезінде оқырманын сүйсінткен болатын.
Кітап барша оқырман қауымға арналған.
Ғабиден Мұстафин
Қазақстанның халық жазушысы, көрнекті қоғам қайраткері, ҚР Мемлекеттік сыйлығының лауреаты Ғабиден Мұстафиннің бұл томына оқырмандарға бұрыннан жақсы таныс «Шығанақ» және «Көзкөрген» романдары еніп отыр.
Кітап көпшілік оқырман қауымға арналған.
Кеңес Жұмабеков Ахат Құрмансейітов Қайырбек Сәдуақасов. Шығармалары
«Сарыарқа кітапханасы» сериясымен жарық көрген бұл кітапқа драматург Кеңес Жұмабековтің, ақындар Ахат Құрмансейітов пен Қайырбек Сәдуақасовтың шығармалары топтастырылды.
Жинақ көпшілік оқырман қауымға арналған.
Шығармалары
«Сарыарқа кітапханасы» сериясының кезекті томына Қазақстан Республикасы Ұлттық Ғылым академиясының академигі, филология ғылымдарының докторы, профессор, ҚР Мемлекеттік және ҚРҰҒА Ш.Ш.Уәлиханов атындағы сыйлықтардың лауреаты, Қазақстан Республикасына еңбегі сіңген қайраткер Серік Смайылұлы Қирабаевтың тәуелсіздік тұсында жазылған таңдаулы зерттеулері топтастырылған. Ұлт әдебиетінің көрнекті өкілдері ретінде танылған ақын-жазушылардың өмірі мен шығармашылығы туралы бүгінгі күн тұрғысынан жазылған зерттеулер қазақ әдебиеттану ғылымына қосылған соны үлес болып табылмақ.
Кітап әдебиеттанушы ғалымдар мен ізденушілер, аспиранттар мен жоғары оқу орындарының студенттеріне және ұлт әдебиеті мен тарихын білгісі келетін әдебиет сүйер қауымға арналған.
Шығармалары
Төрехан Майбас
Шығармалары
Бұл кітапқа Қазақстан Жазушылар одағының мүшелері, белгілі журналист- жазушы Төрехан Майбастың және ақын әрі прозашы Серік Сағынтайдың шығармалары топтастырылған. Жинаққа енген әңгіме- хикаяттардың тілі көркем, шұрайлы, оқиғасы тартымды.
Кітап көпшілік оқырман қауымға арналған.
Арқаның айтыс ақындары
«Сарыарқа» сериясы бойынша шыққан «Арқаның айтыс ақындары» атты бұл кітапқа ХІХ-ХХ ғасыр және жаңа дәуір ақындарының айтыстары жинақталған. Өнердің төресі- айтыстың насихатталуы мен дәстүр сабақтастығы, жыр жалғастығы көрініс тауып, өлең өрнегі арқылы ұрпаққа ұлағат берер мұра болмақ.
Кітап жырсүйер қауымға арналған.
Жан шуағы
Белгілі жазушы Рымқұл Сүлейменовтің бұл кітабына өмірінің соңғы жылдары жазған шығармалары мен бұған дейін жазылған шығармаларының ең таңдаулы дүниелері, ауыл өмірін өзек еткен хикаяттары мен әңгімелері, көкейде жүрген ойлары топтастырылған.
Кітап көпшілік оқырманға арналған.