Шаштайұлы Жұмабай.

Сарғайған парақтардағы  сағыныш. Ой-толғамдар.

     Қазақ  баспасөзінде  ұзақ  жылдардан бері еңбек етіп келе жатқан Жұмабай Шаштайұлының  қолтаңбасын кәнігі оқушылар бірден айыра алатыны анық. Әр алуан салада қозғаған тақырыптары, шығармашылық  тұлғалар туралы жасаған портреттері, өмір құбылыстарына үңіліп, ой сарабына салған толғаныстары өз уағының тамыр лүпілін дөп басқандығымен ерекшеленеді.

Майбас Төрехан. Аңсар.

Әңгімелер менхикаяттар.

    Жазушы Төрехан Майбастың бұл кітабына бірқатар  этнографиялық қысқа әңгімелері мен хикаяттары кіріп отыр. 

  Ұлттық қанық бояумен суарылған бұл шығармалардың оқырмандарға берері аз емес. Өзіндік жазу машығын қалыптастырған қаламгер өз кейіпкерлерінің ішкі жан дүниесін ашуда ұлттық психологиялық иірімдерді шебер пайдалана біледі.

Жүніс Әбдісаттар.

Ұстаз үні. Ой-толғамдар.

    Қаламгер  Әбдісаттар   Жүніс – өзінің саналы ғұмырын жас ұрпақ тәрбиесіне  арнап келе жатқан ұстаз. Сонымен бірге автор қолына қалам салмақты да ойлы мақалалар, сырлы да нәзік лирикалық өлеңдер жазып келеді. Бұл кітапқа оның көп уақыттан бері тірнектеп  жинаған ұлылардың ұлағатты ойлары, қанатты сөздері, төрттағандары, ыстық-суығы мол ұстаздық  қызметтің қыр- сырлары жөніндегі толғаныстары еніп отыр.

Байғұт Мархабат

Таңдамалы шығармалары 

І том 

   Мархабат Байғұттың  таңдамалы шығармалар жинағының бірінші томына «Интернаттың баласы», «Патефон» хикаяттары және «Күн астындағы Күнікей қыз», «Жалбыздының жағасында», «Варвараның көмбесі», «Уран ұрған» сияқты басқа да оқырман ықыласына бөленген әңгімелері енгізілді.

Жұртбай Тұрсын

Бейнес сусыны.

   Жазушы Тұрсын Жұртбай  «Бейнес сусыны»   атты толғау –эссесінде шығармашылық психологиясы атты аса құпия  да  сырлы әлемнің жұмбақ та сиқырлы әлемі туралы сыр шертеді. Сол құбылыстарды суреткерлердің өмірі арқылы тәмсіл етеді.

Хангелдин Садықбек 

Керуен.

   Ақын Садықбек Хангелдиннің «Керуен» атты осы кітабына  тұңғыш қалам ұстаған сонау шұғылалы студент шағынан бастап кейінгі жылдарға дейін әр кезде жазған әңгіме, очерк,  өлеңдермен қатар, мақала, зерттеулері де енгізіліп отыр. Кітапта сөз негізінен әдебиет пен өнер төңірегінде өрбиді. Сондай-ақ саясат пен спорт тақырыбында қаламгер назарынан тыс қалған кейбір хаттар мен авторлық толғамдарға ақынның жанын тербеген жайытта, кісілік келбетте көркем тілмен өріліп отырады. Кітапта Садықбектің орыс тілінде қалам салған ойларында бой көрсетеді. 

Жинақ ақынның замандастары жайлы, өз дәуірінің өзекті мәселелері, әдебиетіміз бен өнеріміздің өзі білетін өкілдері жөнінде иерімді толғаныстардан тұрады. Осы болмысыменен кітап оқырмандарының зердесіне зәредей болсада ұшқын түсіріп, сезімін қозғар деп сенемін. 

Кан Г.В, Тогжанов Е.Л.

«Ұлы дала тарихы»

    Учебное пособие содержит материал по истории Казахстана с древнейших времен до сегодняшних дней. В нем основные положения сопровождаются оригинальными фотографиями, сделанными специально для этого исследования в ходе организованных авторами экспедиций. Наглядно представлены материалы с мест исторических событий. Многие материалы публикуются впервые и вводятся в научный образовательный оборот. Книга предназначена для  студентов, магистрантов, преподавателей, а также для широкого круга читателей, для всех, кто кто интересуется историей Казахстана.

     Сбор материалов и подготовка к изданию исследования осуществлялась при спонсорской поддержке Фонда «Социальный консорциум»Ассамблеи народа Казахстана.

Таймагамбетов Ж, Сойкина Н.

Искусство палеолита Евразии

    Авторы монографии, опираясь на общенаучные методы и современные теории палеолитической живописи, систематизировали и  проанализировали большой объем источников, что позволило логически  изложить материал и сделать вполне объективные выводы. Значительная часть  документальных материалов, специальных исследований и некоторых археологических данных, впервые вводится  в научный оборот отечественной исторической науки.

Фариза Оңғарсынова.

Толық шығармалар жинағы.

   Қазақтың көрнекті ақыны, Мемлекттік сыйлықтың лауреаты, Халық жазушысы Фариза Оңғарсынованың  бұл он екі  толық шығармалар жинағы- тұтас бір тарихи-әдеби дәуірдің идеялық- көркемдік бейнесін жан-жақты сомдаған рухани құндылығымыз. Ақын- өз заманының ар- ожданы десек, әлемдік мәні зор. Поэтикалық әсері әрқашан мөлдір Ф.Оңғарсынова жырларының өз оқырманына берері мол. 

Қазақстан Республикасының Президенті – Елбасы Н.Ә. Назарбаевтың атына келіп түскен үндеулер мен құттықтаулар.Обращения и поздравления Президенту Республики Казахстан- Лидеру Нации Назарбаеву Н.А.