Новые книги
Таңдамалы
Дәуренбеков Жақау
Таңдамалы
Хикаялар мен әңгімелер
Белгілі қаламгер, Халықаралық Алаш сыйлығының иегері Жақау Дәуренбековтың шығармаларының 1-томына бір шоғыр әңгімелері мен хикаялары топтастырылған.
Өмір, адам тағдыры, қилы ситуациялар туралы өзіндік стилмен жазылған бұл дүниелер көркемдігімен, өмірлік стилмен ерекшеленеді.
Кітап көпшілік оқырманға арналады.
Бір жұтым күн
Нұрғожаев Жақыпжан
Бір жұтым күн
Қазақстан Жазушылар одағының мүшесі, белгілі қаламгер, ұзақ жылдар бойы мерзімдік баспасөз саласында басшылық жұмыстарда болған Құрметті журналист Жақыпжан Нұрғожаевтың шығармалар жинағының 1-томына автордың әр жылдары алуан тақырыпта жазған әңгімелері мен мақала, очерктері, публицистикалық ой толғаныстары енді.
Кітап көпшілік оқырманға арналған.
Бір тамшы
Исәділ А.
Бір тамшы
Өлеңдер
Ақын-аудармашы Алмат Исәділдің бұл кітабына әр жылдары жазылған дәуір тынысы, табиғат тылсымы, сезімдер арпалысы, адамзат тағдыры, кеңістік пен уақыт жайлы сыр шертетін жырлары топтастырылған.
Кітапқа бүгінгі заманның шындығын ашуға ұмтылған шығармашылық иесінің ізденістері арқау болған. Ұлттық бояумен көмкерілген ақын шығармаларының тақырыбы ауқымды, айтары анық, ойы терең.
Бақыттың кілті
Тоқашбаев М.
Бақыттың кілті
Отбасылық құндылықтар, ұлттық әдет-ғұрып, салт-дәстүрлер тәртібі
Ерлі-зайыпты журналистер Марат Тоқашбаев пен Раушан Каршалованың «Бақыттың кілті» атты кітабы отбасылық құндылықтарды насихаттауға арналған. Бүгінгі электроника ғасырында өмір сүру жеңіл көрінгенімен, бақытты отбасын құру оңай емес. Тіршіліктің шым-шытырық бұралаңдарынан адаспай өтіп өз жұбыңды табу, тағдырыңды тапсырған адаммен тіл табысу тек иман мен төзімнің, ақыл мен сабырдың арқасында ғана мүмкін.
Кітап қалың оқырман қауымға арналған.
Марафон
Кеңесбай Т.
Марафон
Повестер мен әңгімелер
ХХ ғасырдың сексенінші жылдарында қазақ әдебиетіне келген буынның талантты өкілі Талғат Кеңесбай – жаңашыл жазушы. Жазушының оқырмандарға ұсынып отырған. «Марафон» атты бұл кітабына бірнеше повестері мен әңгімелері топтастырылған.
Шығармаларының тілі жеңіл, көркемдік ерекшеліктері оқырманның арман-қиялын шарықтатып, мол әсерге бөлейді.
Кітап әдебиет сүйер қауымға арналған.
Мәңгілік менің махаббатым
Әймен И.
Мәңгілік менің махаббатым
Лирикалық баян-хикаяттар, повестер, әңгіме-новеллалар
Дүниеде қай-бір нәрсе де екі жақты. Ақ – қара; ащы-тәтті; жаман – жақсы; күн – түн... Сайтан – Періште... Алла тағала өзі осылай етіп жаратқан. Неге? Сол – Ұлық Сыны үшін! Ертеңгі «һақиқи сұрауы» үшін. «Махаббат пен ғадауат.» Махаббат немесе Сүю дегеніміз: Жану – Күю де. Жана, күйе білген ғана – шын сүйе біледі, сағына біледі. Міне, автордың түп қазық концепциясы осы.
Кітап көпшілік оқырманға арналған.
Ақиқатын айтқанда
Бектас Гүлзина
Ақиқатын айтқанда
Сұхбаттар
Журналист Гүлзина Бектастың бұл еңбегіне қазақтың қабырғалы қаламгерлерімен болған сыр-сұхбаттары топтастырылған. Қасым Қайсенов, Қадыр Мырза Әлі, Тұманбай Молдағалиев, Сайын Мұратбеков сияқты сөз зергерлерімен болған әңгімелері қызғылықты әрі тартымды оқылады. Ұлттық идея, ұлттық құндылықтар , қазақ әдебиетінің мәселелері туралы да ұлт зиялыларының ойлары ашық айтылған.
Кітап қалың көпшілікке арналған.
Сөз
Шаяхмет А.
Сөз
Өлеңдер
Белгілі ақын Ақылбек Шаяхметтің «Сөз» деп аталатын жаңа өлеңдер жинағына әр жылдары жазылған өлеңдері енгізілді. Олардың тақырыбы сан алуан. Автор тәуелсіздік жемістері туралы тебірене жырласа, ел ішіндегі келеңсіз көріністерді тілге тиек етіп, имандылыққа үндейді. Адамдар арасындағы адамгершілік пен арсыздық, парасаттылық пен надандық, жақсылық пен арсыздық, парасаттылық пен надандық, жақсылық пен жамандық , достық пен қаскөйлік, кішіпейілділік пен өркөкіректік, еңбекқорлық пен жалқаулық, мәрттік пен нәмарттық және басқа жақсы-жаман адами қасиеттер мен қасіреттер жайлы дарынды ақын тебірене қалам тербеп, оқырмандарын жақсыдан үйренуге, жаманнан жиренуге шақырады.
Қоңырау
Сайынқызы Г.
Қоңырау
Ой-толғамдар, кеңестер, афоризмдер
Гүлтас Сайынқызының «Қоңырау» атты бұл кітабында автордың ұрпақ тәрбиесіне қатысты педагогикалық тұжырымдары, ой толғаулары, кеңестері мен афоризмдері берілген. Автор Тәуелсіз қазақ елінің жастарына Абай, Мағжан, Бауыржан Момышұлы сынды тұлғаларды үлгі етеді. Өзінің туған еліне деген перзенттік парызымен, адамдармен қарым – қатынастағы өнегесі арқылы шәкірттерін, жалпы жастарды ізгілікке, адамгершілікке тәрбиелейді.
Кітап көпшілік оқырманға арналған.
Өткеннен ертеңге
Балқияұлы Н.
Өткеннен ертеңге
Мақалалар
Белгілі қоғам қайраткері, ұстаз, ғалым, қаламгер Нұридің Балқияұлы өзі жүріп өткен өмірге терең бойлап, әр түрлі тақырыптарда көңілге тоқыған ойларын ортаға салады.
Жинақтың – Ағалар соқпағы, Түркістан топырағында, ел болашағы білікті маман қолында, тоғысқан толқындар деген бөлімдері – еліміздің өткенімен шектелмей, ертеңгі күнге, болашаққа деген үлкен сеніммен, жастарымызға тәлім- тәрбие мен олардың келешекте игеріп шығатын мамандығына сай азамат болып, ел экономикасын көтеру қажеттігін алашқа әйгілі ғалымдар мен халқымыздың аяулы перзенттерінің тағдырынан мөлтек сыр шерту арқылы көз жеткізеді.
Кітап көпшілік оқырманға арналған.