Қолбасшы күнделігі

Дневник полководца

Бақытбек Смағұлдың «Қолбасшы күнделігі – Дневник полководца» атты бұл кітабы елі емірене қадірлейтін, білімін – бағдар, өмірін – өнеге, тағдырын, талантын, тазалығын – тағылым тұтатын асылымыз, ұлы қолбасшы, Кеңес Одағының Батыры Бауыржан Момышұлының нақыл сөздерінен құрастырылған.  

Жолболсын Шайқақов

Алтын діңгек

Қазақстан Республикасының Президенті Нұрсұлтан Әбішұлы Назарбаев өзінің «Ғасырлар тоғысында» деп аталатын кітабында: «Мен өз халқымды сүйемін. Оның мені бала кезімнен сабыр мен парасатқа баулығанын мақтаныш  тұтамын» деп жазғаны бар. Сайып келгенде, халқының қадіріне жеткен ғана осылай дейді. Елбасымыздың өмір жолына тереңірек үңіліп, барынша зерделеген оқырман оның бойындағы асыл қасиеттер, ең алдымен, әке қанымен, ана сүтімен, олардың өмір өнегесінен дарығанына көз жеткізеді. Әкесін асқар тау, анасын мөлдір бұлақ тұтпайтын перзентболмайды. Мейлінше қарапайым, барынша кісілігі мол жандардың саясында өскен құрақ бүгін алып бәйтерекке айналса, Қазақстан сияқты іргелі елдің көшін бастаған ұлы тұлғаға айналса, ол да асыл әке Әбіштің, аяулы ана Әлжанның жемісі. Ендігі әңгіме де осы кісілердің өмірі туралы. 

Сәуле Ержанова

Ежелгі дәуір әдебиетіндегі көне түркілік сарын

«Ежелгі дәуір әдебиетіндегі  көне түркілік сарын» атты бұл кітап халқымыздың әбден көмескі тартқан көне тарихын бүгінгі рухпен сабақтастыруды мақсат ете отырып, ел мен жерді сақтар айбар мен намыстың жоқтаушысына айналған айбынды жырлардың бүгінгі поэзиядағы көрінісіне талдау жүргізеді. Ежелгі дәуір кезеңіндегі жырларды қазіргі поэзияның айқындаушы бағыттарының бірі ретінде қарастырады. Түркілік сарын арқылы ата-бабамыздың қалдырған мұраларының ерекшеліктері мен олардың әдеби туынды ретіндегі көркемдік қуатын бағамдап алға тартады. 

Азамат Байтасов

Бәсекеге қабілеттілігі

Ғылыми еңбек бәсекеге қабілеттілікті және Қазақстан Республикасының бәсекеге\ қабілеттілігін арттырудың мүмкіндіктерін зерттеуге арналған.

Күнделікті зерттеу мәселесі география ғылымындағы акценттерді қайта қарап, олардың маңыздыларын да, маңызды еместерін де бассқаша қырынан баяндауға мүмкіндік береді. Сондықтан географиялық және экономикалық зерттеу аясында бұл ғылыми еңбектің өзіндік жаңалығы бар, өзекті жұмыс болып табылады. Ғылыми еңбек жаңа статистикалық мәліметтерге, әрі географиялық қағидалар мен деректерге негізделіп жазылған.   

Алмат Исәділ

Аспантау

Қазақ поэзиясында өзіндік қолтаңба қалыптастырып, ерекше өлең өрнегімен оқырман жүрегіне жол тапқан ақын, аудармашы,журналист Алмат Исәділдің бұл кітабында бұған дейін әдеби ортада лайықты бағасын алған «Жолдар,жолдар», «Көңілалаң», «Көкжиекке сіңген жол» сынды жыр жинақтары мен басылымдарда  жарық көрген туындылары мен ой-толғамдары және кейінгі жылдары жазылған өлеңдері топтастырылған. 

Ақжігіт Әлібекұлы

Мысырдағы түркі-қыпшақ әдебиеті

Бұл еңбекте Мысыр жерінде жазылған түркі-қыпшақ әдебиеті жан-жақты қарастырылады. Түркі халықтарының әдебиетінде ерекше орны бар «Оғызнама», «Құтадғу білік» дастандарының және Сыр бойынан басталған сопылық сарынның мәмлүктер кезіндегі қыпшақ әдебиетіне әсері зерттеледі. Мысырдағы түркі әдебиетіне – араб-парсы поэзиясынан енген аруз өлшеміндегі мәснәуи, ғазал, қасида сынды жанрларының көрінісі сипатталып, дәстүрлі түркі өлшемінің ерекшеліктері мен ұқсастықтары талданады.

Кітап әдебиеттануды ғалымдарға, студенттерге және жалпы оқырман қауымға арналған.      

Көлбай Адырбек

Тәуелсіздіккеталпыныс

Белгілі журналист, қаламгер Көлбай Адырбектің бұл жинағына еліміздің тәуелсіздік алуына баспалдақ болған оқиғалар өзек болған. Автор Кеңес Одағының тарауына аса күшті ықпал еткен Желтоқсан оқиғасы жайлы ешбір боямасыз, егжей-тегжейлі нақты мәліметтер мен деректерге сүйене отырып баяндайды.     

Төреғали Тәшенов

Қара жердің кіндігі

ҚР Мәдениет қайраткері, Қазақстан Жазушылар одағының мүшесі Төреғали Тәшеновтің бұл  жинағына әр жылдардағы мерзімдік баспасөз беттерінде жарияланған тарихи-танымдық мақалалары, публицистикалық ой-толғаулары, көзқарастары, журналистік жазбалары сұрыпталып беріліп отыр. Топтаманың тақырыбы әр алуан болғанымен, танымдық тағлымы тартымды.

 Кітап қалың оқырманға арналған.    

Роллан Сейсенбаев

Көптомдық шығармалар жинағы

«Қазақстан Республикасы Мәдениет және спорт министірлігі «Мәдениет және өнер саласындағы бәсекелестікті жоғарылату, қазақстандық мәдени мұраны сақтау, зерделеу мен насихаттау және мұрағат ісінің іске асырылу тиімділігін арттыру» бағдарламасы «Әдебиеттің әлеуметтік маңызды түрлерін басып шығару» кіші бағдарламасы бойынша жарық көрді».    

Сейсен Әмірбекұлы

Жұмбағы көп жаратылыс

Белгілі журналист Сейсен Әмірбекұлының бұл кітабына «Айқын» газетінде әр кездері түрлі тақырыпта жарық көрген мақала-сараптама, сұхбаттары енген. Кітап «Сыр-сұхбат», «Жазмыш», «Дүние жалған» және «Атамекен сырлары» деген төрт бөлімнен тұрады. Әр бөлімнің өз жүгі бар. Әр мақалаға арқау болған тақырыптары терең де, мазмұнды. Оқырманды ойға жетелейтін кітап сіздің де көңіліңізден шығаруы даусыз.