Бұл зерттеу еңбегінде белгілі қаламгер, ғалым Нұржан Қуантайұлы қазақ жазба әдебиетінің негізін калаушы әйгілі жазушының бірі, қазақ әдебиетінің классигі Жүсіпбек Аймауытұлының көсемсөз шығармашылығын жан-жақты, толық зерттейді.

Архивтерден Аймауытұлының бұрын белгісіз болып келген жүзден астам шығармасын, оның ішінде әңгімелері мен көркем очерктерін, фельетондары мен мақалаларын тапқан ғалым осы кітапта Жүсіпбектің көсемсөз мұрасын тұтас шығармашылық жүйеде, бүгінгі көзқарас тұрғысында талдайды. Монографияда сондай-ақ жазушының баспасөздегі, бұрын белгісіз болып келген редакторлық қызметтері анықталып, архив құжаттары бойынша өмірбаянының ақтаңдақ тұстары қалыпқа келтірілген.

Кітап филология, журналистика факультеттерінің студенттері мен магистранттарына, сондай-ақ жалпы көпшілік қауымға арналған.

«Анажар» романында автор бүгінгі қоғамдағы күрмеуі қиын күрделі проблемаларды бас кейіпкердің басынан кешкен тағдырымен байланыстыра баяндау арқылы адамзаттық, әлемдік мәселелердің мәніне оқырман назарын аударады. Ал «Ескі жара» хикаяты мен «Қоларба» деп аталатын әңгімесі нарықтық қатынастар кезеңіндегі қазақ ауылдарының жай-күйінен сыр шертеді.

Кітаптағы шығармалар салмақты ойымен, көркем тілімен де оқырман көңілінен шығатыны сөзсіз.

һекайиләрдә бүгүнки һаятимиз қәһриманлириниң һәр хил тәғдири, уларниң турмуш-тирикчилиги, арзу-арманлири гәвдилиниду. Қэһриманларниң образлири арқилиқ заманивий адәмләрниң хулқи- мүжэзи, мәхсәт-муддиалири, келәчәккә болған үмүт-мәхсәтлири айдиңлишиду. Язғучиниң романида социалистик түзүмниң ғулаш алдидики ахирқи дәқиқилири, кона түзүм қалдуқлириниң йеңи дәвиргә болған қаршилиқлири нэтижисидэ инсан тәғдири қанчелик өзгүриватқанлиғи, адәмләр мунасивәтлиридики жиддийлиқ вә қариму- қаршилиқлар, шундақла инсаний пәзиләтләр, меһриванлиқ муһәббәт туйғулири ипадиләнгән.

Қоғам және мемлекет қайраткері Құдайберген Саржановтың бұл кітабына күн демей, түн демей асау толқындармен алыса жүріп, елдің игілігін арттыруға өмірін бағыштаған балықшы қауымның ауыр еңбегі мен күрделі тағдыры арқау болған. Қандай қиын күн туса да болашаққа сеніммен қарап, бел жазбай еңбек етіп, тәрбиелі ұрпақ өсірген Арал балықшыларының тағдыры баяндалған бұл еңбекті — балықшылар өмірінің шежіресі деп атауға да болады. Автордың ондаған жылдар бойы асқан ыждаһаттылыкпен жинаған нақты деректері негізінде жазылған бұл кітап - келешек ұрпақ үшін, әсіресе Арал өңірінің халқы үшін аса маңызды тарихи туынды ретінде бағаланады.

Белгілі журналист, Қазақстанның мәдениет қайраткері Қарашаш Тоқсанбайдың бұл жинағына автордың әр жылдары «Егемен Қазақстан» газетінде жарық көрген, кезінде оқырмандардың көңілінен шыққан таңдаулы мақалалары, сұхбаттары мен іссапар жазбалары енгізілді.

Кітап журналист мамандығын таңдаған студенттерге, жас журналистер мен ақпарат құралдары саласының кәсіби мамандарына, көпшілік жұртшылыққа арналған.

Халықаралық әдеби «Алаш» сыйлығының иегері, Алматы облысы және Жамбыл ауданының Құрметті азаматы, «Құрмет» орденінің иесі, этнограф-жазушы Жанат Ахмадидің «Қазымбет қазы» аталатын бұл еңбегі автордың оныншы романы. Аталған романда қазақ хандығының жоңғар-ойрат үстемдігіне қарсы аттанған ұлы жорықтары суреттеледі. Кітаптың бас кейіпкері Қазымбет қазының жалпы адами парасат болмысы, оның шешендік келбеті кеңінен ашылады. Сондай-ақ Төле би, Айте- ке, қаз дауысты Қазыбек билердің және Бұхар жырау, Әнет бабалардай абыздарымыздың дана-бітім тумыстары, олардың қазақ дәстүріне салған үлгі жолдары баяндалады. Сол сияқты қазақтың маңдайына біткен біртуар ханы Абылайдың ел бастаған күрес жолы тараудан тарауға өткен сайын ашыла түседі.

Кітаптың тілі сол замандағы қазы-би, хандардың өзіне тән афоризмдік бейнелі тіркестермен, шешендік үлгімен берілген.

Халықаралық «Алаш», халықаралық Қазақ ПЕН клубы сыйлықтарының лауреаты, бірнеше әдеби конкурстардың жеңімпазы Қуаныш Жиенбай қазіргі қазақ прозасында өзіндік беталасы, жазу мәнері қалыптасқан және өнімді жазатын қаламгер. Оның туындыларында қазіргі уақыт пен өткен кеңестік кезеңдегі адамның тыныс-тіршілігі, қоғам мен адам, адам мен табиғат арасындағы байланыс, одан туындайтын күрделі мәселелер кейіпкер болмысымен біте қайнасып, оқырманға көркемдік әлемінің есігін ашады.

Кейіпкерлерінің әр алуан көңіл-күйлері, психологиялық ахуалы, жан күйзелісі, тағдыр-талайы, туған жерге деген толассыз сағынышы, өмір шындығы - күллі шығармаларының негізгі арқауы болып өрілген. Жазушы қиыннан қиыстырып, адамның қолы жет- пейтін күрделі оқиғаларды сөз етпейді, өзіміз күнде көріп, күнде араласып, тіршілік ауанында күнде кездесіп жүрген қарапайым адамдардың жан-дүниелеріне тереңірек үңіле біледі, олардың арман-мақсаттары, алдан күтетін үміттері, тіпті сөйлеу мәнеріндегі ерекшеліктеріне дейін асқан шеберлікпен суреттейді.

Айтулы журналист, карымды қаламгер Жанболат Әлиханұлы Аупбаевтың «Табиғат терезесі» атты кітабына еніп отырған әрбір дүниені оқыған сайын толқисыз. Тебіренесіз. Күрсінесіз. Қуанатын тұстарыңыз да аз емес. Алайда табиғат анаңыздың тағдырына деген алаң көңіліңіз байыз таппайды. Жанболаттың жазуындағы табиғат таңғажайыптарынан жан жүрегіңізге ұя салатын таңдай қақтырарлық тағылымдар ғана санаңызға сәуле құйып, жылу дарытады. Жұбатады. Әлденеге үміттендіреді. Иландырады. Сендіреді.

«Табиғат терезесі» - Жанболат Аупбаевтың каламгерлік қарымын танытатын, оқырманның танымын дамытатын, табиғат анаға, туған жерге деген сүйіспеншілік сәуле дарытатын кітап.

Жалпытүріктік мәдениет пен әдебиетті дамытуға қосқан үлесі үшін Махмұт Қашқари атындағы халықаралық сыйлықтың және халықаралық «Алаш» сыйлығының ла- уреаты Ақылбек Шаяхметтің жаңа жинағына бұған дейін республика баспаларында жарық көрмеген жырлары топтастырылған.

Жыр жинағы төрт бөлімнен тұрады. Өмір, табиғат, ма- хаббат туралы жырлардың барлығының да алтын өзегі достарға, туған жер перзенттеріне деген сенім,адал жарға, келешекке деген сенім. Кітаптың «Сенім» деп аталуы да сондықтан.

Бұл өлеңдер жинағына ақынның жаңа өлеңдері және орыс ақындарынан аудармалары еніп отыр.

Өлеңдер тақырыбы жағынан әр алуан. Адамзат танымындағы әлем туралы пайымдар поэзия тіліне көшіріліп, сәтті теңеу- бейнелеулермен, түрлі тұспал-ишаралармен кестеленген.