Бейісбай Саясат

«Бір жұтым ауа» белгілі қаламгер Саясат Бейісбайдың қаламынан туған шығармалардың жинағы. Ол өзі көрген, куә болған оқиғалар туралы тартымды баяндайды. Автор өз шығармашылығы арқылы тәуелсіз Қазақстанның өзіндік шежіресін жасайды. Кітаптағы хикаяттардың тілі жеңіл, оқиғалары тартымды. Жинақ қалың оқырман қауымға арналған.

Белгілі жазушы, сатирик, архив зерттеушісі  Табыл  Құлыяс бұл кітабында халқымыздың басынан өткен аштық, қуғын-сүргіннің  ауыр зардаптарын, сталинизмнің қанды қасабын құнарлы тілмен, бұлтартпас құжаттармен шынайы баяндаған. Заманның тынысы, дәуірдің дауысы болған  деректі хикаяттар көпшілік оқырманға арналған. 

Мерекенова Бақыт

Жазушы Бақыт Мерекенованың  «Тағдыр» атты төртінші кітабында замандастарымыздың өмірі кеңінен суреттелген. «Тағдыр» романы, «Қайран күй!»,  «Адамзат тағдыры» сияқты әңгімелері шебер тілмен жазылған туындылар. Шығарманың өн бойында адамдар арасындағы шынайы махаббат, адамгершілік, парасаттылық пен зұлымдық, бақталастық сияқты шиеленіскен жағдайлар қисынды шешімін тауып, оқиғалар барысында өрбіп отырады. Кітаптың бас кейіпкерлері өмірде кездескен сан қилы қиыншылықтарға мойымай, аңсаған армандарына қол жеткізеді. Жазушының бұл жаңа кітабы- халқына тартқан кезекті шығармашылық еңбегінің жемісі.

Қаңтарбаев Әлібек

«Жұлдыздар сөнбейді»-жазушы Әлібек Қаңтарбаевтың әр жылдары жазылған шығармаларының жиынтығы.                                                                                                      Автордың кез келген шығармасындағы кез келген кейіпкерінің көгентүптегі асқақ арманы біреу, ол-Егемендік.Егіле, үздіге аңсайды соны.Жазушы «Алаш азаматы» атты интеллектуалдық сұхбатында академик Ережеп Мәмбетқазиевпен диалогқа түсе отырып, тәуелсіздіктің алғашқы жылдарында Қазақстанда, оның ішінде білім беру саласында болған қиыншылықтар, жалпы осы саланың бүгіні мен ертеңі хақында ой толғамдарын беруге әрекеттенген. Жинақтың соңғы бөлімінде қазақтың әдебиеті мен өнерінің біртуарларымен жүргізілген сұхбаттар, көркем очерктер берілген. Автордың тілі жатық, ой толғамдары салиқалы да салмақты.Бұл жинақтағы кез келген шығарма оқырманын бейжай қалдырмасы анық. 

Балғабай Сұлтанәлі

Көрнекті қаламгер, Қазақстанның еңбек сіңірген қайреткері, «Құрмет» орденінің иегері, халықаралық «Алаш» әдеби және Қазақ ПЕН-клубы сыйлықтарының лауреаты Сұлтанәлі Балғабаев қазақ  әдебиетінің көркем проза, драматургтя және публицистика жанрларында қырық жылдан астам уақыттан бері өнімді еңбек етіп келеді. Биылғы жылы қаламгердің таңдамалы туындыларының  екінші томын  «Алтын сағым» деген атпен назарларыңызға ұсынып отырмыз. Жинақ екі бөлімнен тұрады. Жинаққа енген шығармалардың тілі құнарлы, көркем сөздерге, оралымды ой-тіркестерге бай; оқырманның тұшынып та түсініп те оқуына жеңіл. Кітап көпшілік оқырманға арналған.

Ұзақов Бегадат                     

Жазушы Бегабат Ұзақов өз шығармаларында адалдық пен опасыздықтың, әділет пен қиянаттың, мәрттік пен нәмәрттіктің егесін суреттеу арқылы ой толғап, тың тұжырымдар жасайды. Бұл кітапқа енген шығармалардың ойы нәрлі, тілі әрлі. Көркем сөздің құдіретін құрметтейтін қауымға берері мол.

Материалдар мен құжаттар жинағы

Кітапқа Қазақстанның қоғамдық-саяси және экономикалық дамуына қомақты үлес қосқан қоғам қайраткері Ұзақбай Құлымбетовтің туындылары мен оның тағдырына арналған құжаттық материалдар топтастырылып отыр. Жинақ тұлғатану тарихын зерттеуші мамандар мен тарихшыларға, ЖОО оқытушыларына, студенттеріне, магистранттары мен докторанттарына, көпшілік оқырман қауымға арналған.

Кеңесбаев Талғат

Белгілі жазушы Талғат Кеңесбаев «Ойшоғыр» повесінде тәуелсіздіктің алғашқы жылдарындағы қоғамның қалыптасу кезеңін және адамдардың қарым-қатынасын, бауырмалдылығын суреттейді. Кітаптың тілі шұрайлы. Шығармалары жеңіл оқылады. Кітап қалың оқырманға арналған.

Жазушы, аудармашы Дидахмет Әшімханұлының бұл көптомдық шығармалар жинағының үшінші томында оның әр жылдарда аударған әлем әдебиетінің классиктері Джек Лондонның «Теңіз қорқауы» атты романы мен «Күмән» әңгімесі және Джон Голсуорсидің «Девондық адам» атты новелласы берілген.                                                            Жинақтағы туындылар көркем тілмен, әдеби стильмен жазылған. Жатық та әсерлі оқылады.

Досанов Сәбит

Қазақстан Республикасы Мемлекттік сыйлығының лауреаты, Махмуд Қашқари атындағы «Түрік әлемінде сіңірген аса зор еңбегі үшін» Халықаралық сыйлықтың лауреаты Сәбит Аймұханұлы Досановтың бұл кітабындағы шығармалар-Тәуелсіздік жылдарының көркем шежіресі.