Балалар бөлімінде 2019 жылдың қаңтар –ақпан аралығында  еңбекке, түрлі  бұйымдар жасауға,ой-өрісін,шеберлігі мен дағдысын арттыруда қазақ халқының өнерін санасына сіңіре отырып,бар затты ұқсата білуге,сол заттың қадір-қасиетін ұғындырып,күнделікті өмірде қолдана білуге көмектесетін «Шебер қолдар» -шығармашылық үйірмесі өз жұмысын жалғастыру үшін, 6 жас пен 14 жас аралығындағы оқырмандар арасында  «Ынта –ықыласын білу» сауалнамасын жүргізген болатын.

«Шебер қолдар» үйірмесінің мүшелері 1-7 сынып аралығындағы оқушылармен толықты. Жыл басындағы үйірме жұмысы жаңадан жазылған оқушылардың оригами әдісін үйренуден басталды. 

Мақсаты: енді дамып келе жатқан өнер түрлерімен таныстырып, оларды оқушыларға игерту. Қағаздан бұйым жасаудағы шеберлік деңгейін арттыру арқылы, қолөнердің бір түрі «Оригами» өнері туралы білім, білік дағдыларын қалыптастыру.  

Үйірме шеберлері 8-наурызға арналған мерекелік көрменің жұмысын бастап кетті. Фатима, Назерке, Інжу, Жансая және Ерсұлтан аналарына арнап суретті плакат дайындауда... Оларға оқу бөлімінің кітапханашысы Айтжанова Майра шеберлік сағатын өткізді. Плакат бетіне салынған суретті ұсақ моншақтармен және фломастермен безендіруде.

Шебер қолдар үйірмесі талапты да дарынды, белсенді оқырмандарымен жазғы демалыс кезеңінде де өз жұмысын жалғастырып келеді. Тұрақты оқырмандарымыз бен үйірменің тұрақты мүшелері әртүрлі тұрмыстық  қалдықтардан, қағаздан түрлі бұйымдар және қарындаш салғыш қорапша жасауды үйренді. 

2017 жылдың 7 сәуірде «Приозерск қалалық кітапханасы» коммуналдық мемлекеттік мекемесінің балалар бөлімінде кітап апталығының бесінші күні Сиқырлы шеберхана «Ертегі галереясы» атты шеберлік сағаты ұйымдастырылды. Шеберлік сағатына 4-6 сынып оқушылары қатысты.

28 қараша айында  «Приозерск қалалық кітапханасы»  коммуналдық мемлекеттік мекемесінің балалар бөлімінде  «Шебер қолдар» үйірмесінде  Тәуелсіздігіміздің 25 жылдығына арналған    «Нұрлы Отанымыз – Тәуелсіз Қазақстан» шеберлік сағаты ұйымдастырылды. Шеберлік сағатында үйірме мүшелері Тәуелсіздік тақырыбына арналған  қол - өнер бұйымдарын жасады.

 "Приозерск қалалық кітапханасы" коммуналдық мемлекеттік мекемесінің балалар бөлімінде қараша айының 30 жұлдызында 1986-жылғы Желтоқсан оқиғасының Бас қаһарманы — Қайрат Рысқұлбековке арналған   "Ұлт мақтанышы - Қайрат Рысқұлбеков" атты тарихи  естелік сағаты ұйымдастырылды. 

(Шеберлік сағаты: өткізген Шәріп Нұрай)

 «Приозерск қалалық кітапханасы» коммуналдық мемлекеттік мекемесінің  «Шебер қолдар» үйірмесінің мүшелерінің қатысуымен жоспарға сай әр түрлі бұйымдар жасалды. Үйірмеміздің мүшесі Шәріп Нұрай ұсақ мойыншақтардан гүлдің бейнесін жасап және жасалу жолын оқырмандарға көрсеткен болатын.