«Балалық шағымның бауырсағы»- автордың қазақ жері мен қазақ еліне тағзымы.

«Перзенттік парыз» - зобалаң жылдары шешендер мен ингуштерді жан шуағымен жылытып қана қоймай, атақоныстарынан пана сыйлаған қазақ халқына ғұмыр бойы алғаусыз алғыс айтып өткен әке аманатын ақын қыздың ақтауы.

Кітап түзілімі қосарласа өрілген: қос тіл- қазақ және орыс тілдері, қос жанр- поэзия және проза, қос халық – қазақ және вайнах халықтары, қос аманат – әке мен ағаның аманаттары. Осылайша жымдаса тұтасқан қос бірлік авторға қуат үстейді, оқырманға ой салады.

Қазақтың көрнекті ақыны, Халықаралық «Алаш» әдеби сыйлығының лауреаты, Ресей Жазушылар ұйымының Сергей Есенин атындағы алтын медалінің иегері Ғалым Жайлыбайдың «Бір тал үкі» атты бұл жинағына соңғы жылдары жазған таңдаулы туындылары енгізілген. Қашанда өлеңді өмір суреттерімен, ашық бояуымен елестететін қаламгер жаңашылдығы – оның тілінде, бейнелік сипатында.

Көркемдік көрігінен шыққандай жинақ көпшіліктің де көңілінен шығады деп сенеміз.

Көрнекті ақын, М.Мақатаев атындағы сыйлықтың иегері Жүрсін Ерманның «Сарыарқа кітапханасы» сериясымен жарық көріп отырған бұл жинағына таңдаулы туындылары топтастырылды.

Кітап жырсүйер көпшілікке арналған.

Қазақтың белгілі жазушысы, проза шебері әрі кинодраматург Дидар Амантай ел назарына ұсынып отырған бұл кітабына өзектес, сабақтас, тақырыптас шығармаларын енгізіп отыр. Автор кез келген туындысында қаһарман мінез-құлқын қимыл-әрекеті, пәлсапалық ойы және диалогтары арқылы жан-жақты ашып суреттеуге талпынған. Қаламгердің ойынша, әдебиет дегеніміз- сағынышқа құрылған мөлдір әңгімелер. Кітаптың тілі шұрайлы, бояуы қанық, оқиғалары қызықты.

Жинақта топтастырылған барлық әдеби көркем шығармалар (үшінші және төртінші басылымдары) Дидар АМАНТАЙДЫҢ авторлық меншігіне жатады.

Қазақ совет әдебиетінің көрнекті өкілдерінің бірі, ақын, драматург жазушы Қапан Сатыбалдин артына мол әдеби мұра қалдырған. Бұл кітапқа ақынның лирикалары мен поэмаларының және аудармаларының жиынтығы енгізілген. Бұл шығармалар Ұлы Отан соғысы жылдарында жазылған.

Кітап көпшілік оқырман қауымға арналған.

Қазақтың көрнекті ақыны, Қазақстан Республикасының еңбек сіңірген қайраткері Кәкімбек Салықовтың бұл кітабына Сарыарқаның алтын тәжі – Астанаға арналған өлеңдері, Қарағанды және Ұлытау өңірлерінің өндірісі қайнаған, тәуелсіз елдің жаңа өмірі жайнаған келбетін паш ететін өлеңдері жинақталған. Оқушы қауым «Жезкиіктің» елімен танысады, Арқаның асыл азаматтарымен ұшырасады.

Кітап поэзия сүйер көпшілік оқырманға арналған.

Бұл томға бір заманның төлі, қос құрдас- Дәулет Сәтібеков пен Қойлыбай Асанұлының әр жылдары жазылған өлеңдері мен жыр-толғаулары, сондай –ақ драмалық шығарма мен поэма, балладалары топтастырылған.

Өмірден ертерек кеткен Дәулет ақынның даналығы мен даралығын жыр-ғұмыры мен ақындық болмысын арқау еткен шығармалары сағындырғандай болады. Тағдырлы жырларының ойы анық, бояуы қанық, жатық оқылады, жүрекке жылы тиеді.

Есімі елімізге кеңінен мәлім, талай-талай ақындар айтысында топ жарған Қойлыбай ақынның жырлары ата дәстүрді, ұлттық намысты, өскен өлке алдындағы перзенттік парызды паш етеді.

Белгілі қаламгер Әбжан Омарбековтың «Сарыарқа кітапханасы» сериясымен жарық көріп отырған шығармалар жинағының бір томдығына таңдаулы повестері мен әңгімелері топтастырылды. Туындылардың тілі шұрайлы, қызықты оқылады.

Кітап көпшілік оқырманға арналған.

Кіндік Азияда фарабитанудың атасы Ақжан әл- Машани – еуропалықтар Шығыс Аристотелі деп атайтын дүниежүзілік екінші ұстаз – әл мұғалім әл-сани аталған Әбу Насыр Мұхаммед Әл-Фарабидің Отырардан шыққан Қыпшақ тумасы екендігін алғаш дәлелдеп, он бір ғасырдан соң ұрпағымен қауыштырушы ғана емес, баба мұраларын жан-жақты зерттеп, фарабитанудың көпірін тұрғызушы.

«Сарыарқа кітапханасы» сериясымен жарыққа шыққан Ақжан әл- Машанидің бұл кітабына ұлы бабамыздың тұңғыш рет көркем бейнесі сомдалған «Әл-Фараби» романы мен әр жылдары басылған мақалалары енгізілді.

Кітап көпшілік оқырман қауымға арналған.

Филология ғылымдарының докторы, аудармашы Сәйділ Талжановтың «Сарыарқа кітапханасы» сериясымен жарық көріп отырған екі томдық шығармалар жинағының ІІ томына қаламгердің қазақ әдебиеті жайлы зерттеу еңбектері, ой-толғаныстары, сын мақалалары, естелік әңгімелері енгізілді.

Кітап көпшілік оқырманға арналған.