«Приозерск қалалық кітапханасы» КММ

Биыл жазушы,  академик,  әдебиеттанушы  Сәбит Мұқановтың туылғанына - 120 жыл толып отыр.

Осыған орай «Приозерск қалалық кітапханасы» коммуналдық мемлекеттік мекемесінде  қазақ  әдебиетінің негізін қалаушылардың бірі, қоғам қайраткері, Қазақстанның халық жазушысы, Қазақстан Ғылым академиясының академигі Сәбит Мұқановтың  өмірі мен шығармашылығына арналған  «Көркем сөздің кемеңгері» атты кітап  көрмесі ұйымдастырылды.   Көрмеге  қаламгердің  кітапхананың кітап қорында бар кітаптары және мерзімді басылым беттеріне шыққан мақалалар қойылды. Сонымен қатар  бейнеролик көрсетілді.

2020 жылдың 1 сәуір күні Кеңестер одағының халық әртісі, Қазақстан Республикасы Мемлекеттік сыйлығының иегері, Қазақстанның халық әртісі, Халық қаһарманы, белгілі композитор Нұрғиса Тілендиевтың туғанына 95 жыл толуына орай  “Өнерін өнеге еткен-Нұрғиса Тілендиев» тақырыбында кітап көрмесі,  «Қазақтың әйгілі сазгері»  видеослайд оқырмандар назарына ұйымдастырылды.

Құрметті оқырмандар !!

Қазақстан Республикасында төтенше жағдай енгізілуіне байланысты және Қазақстан Республикасы Мәдениет және спорт министрінің 2020 жылдың 14 наурыздағы № 63 бұйрығына сәйкес 2020 жылдың 15 сәуіріне дейін карантинге жабылады.

2020 жылдың 13 наурыз күні көрнекті ақын,  сыршыл  лирик, халық жазушысы  Тұманбай Молдағалиевтің  туғанына 85 жыл толуына орай «Тұманбай ақынның тұмадай жырлары» тақырыбында еске алу кеші   қаладағы № 1мектептің 9 сынып оқушыларының қатысуымен өтті.

2020 жылдың 28 ақпан күні «Приозерск қалалық кітапханасы» коммуналдық мемлекеттік мекемесінің Білім орталығында Алғыс айту күні   Қазақстан халқы Ассамблеясының 25 жылдық мерейтойына арналған «Еліміздің бойтұмары-ел бірлігі» тақырыбында дөңгелек үстел өткізілді. Іс-шараға қаладағы Ардагерлер ұйымы және Сырлас клубының мүшелері қатысты.

2020 жылдың  4 наурыз күні«Приозерск қалалық кітапханасы» коммуналдық мемлекеттік мекемесінің Білім орталығында  8 наурыз - Халықаралық  әйелдер  күніне орай « Ана-өмір гүлі» атты мерекелік кездесу кеші өткізілді.

Биыл  шығыстың ғұлама  ойшылы Әбу Насыр Әл-Фарабидің 1150 жылдығы. Осыған орай, Аристотельден кейінгі екінші ұстаз, ғұлама ғалым әл-Фараби бабамыздың  бай мұрасын өскелең ұрпаққа насихаттау мақсатында  2020 жылдың 24 ақпан күні «Приозерск қалалық кітапханасы» коммуналдық мемлекеттік мекемесінің оқу бөлімінде «Ұлы даланың ұлы тұлғасы» тақырыбында тарихи-танымдық сағаты өтті. Іс-шараға №2 мектептің 11 «б» сынып оқушылары және  сынып жетекшісі, тарих пәнінің мұғалімі  Давлятярова Мария Баймуратовна    қатысты.

2020 жылы 14 ақпан күні «Приозерск қалалық кітапханасы» коммуналдық мемлекеттік мекемесінің оқу бөлімінің  кітапханашысы  И.Талханбаева , №1 қазақ орта мектебінде 10 сынып оқушыларының қатысуымен  Мемлекеттік сыйлығының лауреаты, ҚР Халық әртісі, композитор, әнші Ескендір Хасанғалиевтің 80 жылдық мерейтойына орай «Туған жерін ән еткен аға» тақырыбында  танымдық сағат өткізді.

2020 жылдың  13 ақпан күні «Приозерск қалалық кітапханасы» коммуналдық мемлекеттік мекемесінің оқу бөлімінде Кеңес әскерлерінің Ауған жерінен шыққанына 31 жыл толуына орай «Ауған соғысы-тарихтың  қасіретті  парағы» атты кездесу кеші өтті. Кездесу кешке Ауған соғысының ардагерлері Акмурзаев Бердібек Тауасканұлы, Турлыбаев Полат Канатұлы  және 44841әскери бөлім командирінің тәрбие және идеологиялық жұмыстар жөніндегі орынбасары  подполковник Кабышев Ринат Маратұлы, әскери бөлімнің жеке құрам қызметкерлері мен сарбаздары   қатысты.

Ұлтымыздың ұлы жолы, талайлы тағдыры, бай тарихы, бабалар өмірі, елдігіміз үшін әзіз жанын пида еткен ірі тұлғаларымыздың өнегелі ғұмыры бүгінгі тәуелсіз Қазақ елінің баға жетпес құндылығы.

2020 жылдың   4 ақпан  күні «Приозерск қалалық кітапханасы» коммуналдық мемлекеттік мекемесінің оқу бөлімінде Қазақстанның халық жазушысы, тарихшы, қазақтың ауыз әдебиетін зерттеушісі ғалым, филология ғылымдарының докторы, мемлекет сыйлығының лауреаты  Мұхтар Мағауиннің 80 жылдық мерейтойына орай «Қазақ әдебиетінің археологы» атты танымдық кеш өтті. Іс-шараға № 1 мектептің 10 сынып оқушылары қатысты.

2020 жылы 10 қаңтар күні "Приозерск қалалық кітапханасы" коммуналдық мемлекеттік мекемесінің оқу бөлімінің кітапханашысы  Ф.Канагатова , №1 қазақ орта мектебінде 10 сынып оқушыларымен драматург, халық жазушысы Ілияс Есенберлиннің 105 жылдығына арналған « Аты әлемге мәшһүр жазушы» атты әдеби кеш өткізді. Мақсаты: Қазақстанның халық жазушысы І. Есенберлиннің өмірі мен шығармашылығы жөнінде мағлұмат беру, қазақ әдебиетіне қосқан үлесін ашу,   қазақ халқының тарихи шежіресін түсіндіру;

2020 жылдың 5 қаңтар күні "Приозерск қалалық кітапханасы" коммуналдық мемлекеттік мекемесінің оқырмандарға қызмет ету бөлімінің кітапханашысы ЖүДосмуратова  , №1 қазақ орта мектебінде 11 сынып оқушыларымен   ақын, жазушы Қадір Мырза Әлінің 85 жылдығына орай  «Қазақтың дана Қадыры»  атты поэзия сағатын өткізді .Мақсаты: Қазақстан халық жазушысы ,қазақтың көрнекті ақыны Қадыр Мырза Әлидің өмір жолы,ақындық қызметі туралы әңгімелеу,поэзияны сүюге тәрбиелеу;

Туған жеріне деген сүйіспеншілігін ояту,  өз елінің патриоты болуға, ел егемендігін сақтай білуге баулу мақсатында «Приозерск қалалық кітапханасы» коммуналдық мемлекеттік мекемесінің оқу залында 2019 жылдың 12 желтоқсан күні  «Желтоқсан қаһармандарына мың тағзым»  атты тарихи сағат өтті. Іс-шараға № 1 мектептің жоғарғы сынып оқушылары қатысты.

Биыл мемлекет және қоғам қайраткері, Түркістан Республикасы Халық комиссарлары  Кеңесінің төрағасы, Түрксіб құрылысының негізін салушылардың бірі  Тұрар Рысқұловтың туғанына 125 жыл толды.  Осыған орай, 2019 жылдың 10 желтоқсан күні «Приозерск қалалық кітапханасы» коммуналдық мемлекеттік мекемесінің оқу залында «Тұрар Рысқұлов- ұлы тұлға» тақырыбында тарихи кеш өтті. Іс-шараға № 2 мектептің 9 сынып оқушылары қатысты.