Кітапхана жаңалықтары

День благодарности

Алғыс айту күні – бұл, ең алдымен елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанаты күні. Біздің мемлекетіміз көктемнің алғашқы күнінде Алғыс айту күнін атап өтеді. Аталмыш мерекеге орай 28 ақпан күні «Приозерск қалалық кітапханасы»  КММ оқу залында «Толеранттылық планетасында» атты ізгілік сабағы өтті. Іс-шараға №2 мектептің 9-10 сынып оқушылары қатысты.

«Есімі әлемге мәшһүр-тарихшы »

2019  жылдың  ақпан айында  Елбасының «Ұлы даланың жеті қыры»  бағдарламалық мақаласындағы , «Ұлы даланың ұлы есімдерін» дәріптеу мақсатында «Приозерск қалалық кітапханасы» коммуналдық мемлекеттік мекемесінің оқу залында көрнекті мемлекет қайраткері, қазақтың тұңғыш тарихшысы, философы, әскери қолбасшы Мұхаммед Хайдар Дулатидің  520 жылдық мерейтойына орай  «Есімі әлемге мәшһүр-тарихшы» атты тарихи сағат өтті.  Іс-шараға №1 мектептің 10 сынып оқушылары қатысты.

«Сан қырлы қаламгер"

2019 жылдың 13 ақпан күні «Болашаққа бағдар: рухани жаңғыру» бағдарламасын іске асыру  аясында «Приозерск қалалық кітапханасы» коммуналдық мемлекеттік мекемесінің оқырмандарға қызмет ету бөлімінде жазушы, Қазақстан Жазушылар одағының мүшесі, Қазақстанның мәдениет қайраткері  Сүйіндік  Жанысбайдың  туылғанына 70 жыл толуына орай «Сан қырлы қаламгер» атты кітап көрмесі ұйымдастырылды. Көрмеге №1,2 мектептің оқушылары және кітапхананың тұрақты оқырмандары қатысты.

« Ерлік – елге мұра, ұрпаққа ұран"

Ағымдағы  жылдың 12 ақпан күні «Приозерск қалалық кітапханасы» коммуналдық мемлекеттік мекемесінің оқу бөлімінде Кеңес әскерінің Ауған жерінен шығарылғанына 30 жыл толуына орай «Ерлік – елге мұра, ұрпаққа ұран»  атты кездесу кеші ұйымдастырылды.Іс-шараға № 1 мектептің 10 сынып оқушылары қатысты.

«Әбілхан Қастеев туындылары»

2019 жылдың қаңтар айында «Приозерск қалалық кітапханасы» коммуналдық мемлекеттік мекемесінің оқу залында қазақтың әйгілі кескіндемешісі, график-суретші, қазақ бейнелеу өнерінің негізін салушылардың бірі Қазақстанның Халық суретшісі Әбілхан Қастеевтің туғанына 115 жыл толуына орай «Әбілхан Қастеев туындылары» атты танымдық сағат өтті. Іс-шараға қаладағы 44841 әскери  бөлімінің сарбаздары мен қызметкерлері, кітапхана оқырмандары қатысты.

« Ас адамның-арқауы»

2019 жылдың 28 қаңтар күні «Приозерск қалалық кітапханасы» мемлекеттік  мекемесінің оқырмандарға қызмет ету бөлімінде Қазақстан халқы Ассамблеясының Ұлы даланың дәстүрлеріне негізделген қайырымдылық шарасына  арналған « Ас адамның-арқауы»  атты кітап көрмесі  ұйымдастырылды.  Іс-шараға  мектеп оқушылары мен кітапхананың тұрақты оқырмандары қатысты.

Елімнің бақытын тербеткен-Тәуелсіздік

2018 жылдың 13 желтоқсан күні «Приозерск қалалық кітапханасы» коммуналдық мемлекеттік мекемесінде  Қазақстан Республикасының Тәуелсіздік күніне арналған  «Елімнің бақытын тербеткен-Тәуелсіздік» атты дөңгелек үстел өтті. Іс-шараға 11 сынып оқушылары қатысты.

Мақсаты: Тәуелсіздік күні туралы терең мағлұмат беру. Тәуелсіздік үшін күрескен, желтоқсан құрбандарын еске түсіріп, желтоқсан құрбандарының ерлігі жайында түсіндіру.

Адамзаттың Айтматовы

2018 жылдың 10 желтоқсан күні «Приозерск қалалық кітапханасы» коммуналдық мемлекеттік мекемесінде жазушы, қоғам және мемлекет қайраткері, Қырғызстанның халық жазушысы Шыңғыс Айтматовтың туғанына 90 жыл толуына орай «Адамзаттың Айтматовы» тақырыбында дөңгелек үстел өтті. Іс-шараға 10 сынып оқушылары қатысты.

Мақсаты: оқушыларға Шыңғыс Айтматовтың өмірбаянымен, шығармашылығымен, әлемдік әдебиеттегі озық туындыларымен танысу;

Елбасы сенімі – ел сенімі

2018 жылғы 29 қарашада қаладағы №1 жалпы орта  білім беретін мектебінде  «Елбасы сенімі-ел сенімі» тақырыбында Тұңғыш Президент күніне арналған дөңгелек үстел өткізілді. Бұл шараға 9 сынып оқушылары қатысты.

Мақсаты: Елбасының өмір жолынан үлгі ала отырып Отанын, халқын сүюге, ержүректілікке азаматтыққа, патриоттық сезімге тәрбиелеу;

Көркем сөздің тарланы

2018 жылдың 22 қараша   күні «Приозерск қалалық кітапханасы» коммуналдық мемлекеттік мекемесінің оқу бөлімінде қазақ әдебиетінің классик жазушысы Тәкен Әлімқұловтың 100 жылдық мерейтойына  орай «Көркем сөздің тарланы» атты танымдық сағаты өтті.  Іс-шараға №1 мектептің 10 сынып оқушылары қатысты.

Мақсаты: Такен Әлімқұловтыңөмірі мен шығармашылық қызметін оқырмандар арасында кеңінен насихаттау, оқырмандардың кітап оқуға деген қызығушылығын арттыру.

Күмбірле, күй -домбыра

2018 жылдың 25 қазан күні «Приозерск қалалық кітапханасы» коммуналдық мемлекеттік мекемесінің оқу бөлімінде қазақтың ұлы күйші-композиторы, қазақтың аспапты музыка өнерінің классигі Құрманғазы Сағырбайұлына арналған  «Күмбірле, күй- домбыра» атты әдеби сазды кеш ұйымдастырылды. Кешке № 1 мектептің 10 сынып оқушылары мен «Достық» балалар –жасөспірімдер шығармашылық орталығының домбыра үйірмесінің «Балбырауын» ансамблі қатысты.

Іс-шараның мақсаты: оқырман қауымғаҚұрманғазы күйлерінің қазақ өмірінің тілсіз тамыршысы, азаткерлік рухының ұраншысы екенін тағы дәлелдеу;

Ұлылар мекенінің тумасы

2018 жылдың 25 қазанында «Приозерск қалалық кітапханасы» коммуналдық мемлекеттік мекемесінің оқу залында қазақтың көрнекті қаламгері, Мемлекеттік сыйлықтың иегері, Қазақстанның халық жазушысы Тахауи Ахтановтың туғанына 95 жыл толуына орай  «Ұлылар мекенінің тумасы» атты еске алу кеші өтті. Іс-шараға №1 мектептің 10сынып оқушылары қатысты.

Мақсаты: Тахауи Ахтановтың өмірі мен шығармашылық қызметін оқырмандар арасында кеңінен насихаттау, оқырмандардың кітап оқуға деген қызығушылығын арттыру.

Рухани келісім-тұрақтылықтың іргетасы

2018 жылдың 18 қазан күні «Приозерск қалалық кітапханасы» коммуналдық  мемлекеттік  мекемесінде  Рухани келісім күніне  «Рухани келісім – тұрақтылықтың іргетасы»  атты кітап көрмесі ұйымдастырылды.  Көрмеге кітапхананың тұрақты оқырмандары мен оқушылар қатысты.

Шараның мақсаты: оқырмандардың бойына гуманистік дүниетанымның негіздерін, рухани адамгершілік құндылықтарын қалыптастыруға ықпал ету.

Есімің мәңгі өшпейді

«Приозерск қалалық кітапханасы» КММ-де қыркүйек айының 28 жұлдызында мемлекеттік тілдің қолдану аясын кеңейту, тіл мәдениетін көтеру, көркем әдебиетті насихаттау, ұлттық құндылықтарымызды өскелең ұрпақтың бойына сіңіру мақсатында Оралхан Бөкейдің 75 жылдығына арналған «Есімің мәңгі өшпейді» атты көркемсөз оқу шеберлерінің қалалық байқауы өтті. Көркемсөз оқу шеберлерінің байқауына 12-16 жас аралығындағы 20 үміткер қатысты. Үміткерлерге прозалық, драмалық шығармалардан үзінді оқу, мәнерлеп өлең оқу  тапсырмаларын орындау міндеттелді. Оқушылар Оралхан Бөкей туындыларына деген сүйіспеншіліктерін байқау барысында дәлелдей алды. Осыдан-ақ үміткерлердің әдебиетке деген қызығушылықтарын байқауға болады. Оралхан Бөкей еңбектері жастардың әдебиетке қызығушылығын оятатын тамаша туындылар екені даусыз!

Жас толқынның Мұзтаудың мұзбалағына деген құрметін қазылар алқасы таразылады. Әдеби шараның шарты бойынша қазылар алқасы шешім шығару барысында көркем мәтінді оқу шеберлігіне, дауыс мәнеріне және тіл тазалығына, көркем мәтінді таңдау талғамына, сахналық бейне және оқу мәнеріне баса наза аударды.

Мұзтаудың мұзбалағы

Жазушы, драматург, журналист, Қазақстан  жазушылар одағының мүшесі  Оралхан  Бөкейдің  туғанына 75 жыл толуына  орай  2018 жылдың  25 қыркүйек күні «Приозерск қалалық кітапханасы» коммуналдық мемлекеттік мекемесінің оқу залында «Мұзтаудың мұзбалағы» атты әдеби кеш өтті. Іс-шараға №1 мектептің 10 сынып оқушылары қатысты.

Мақсаты: оқушылардың жазушы жайлы ұғымдарын қалыптастыру, көркем сөз оқу шеберліктерін дамыту, әдебиет өнерін қадірлеуге баулу;