«Приозерск қалалық кітапханасы» КММ

2018 жылдың 26 маусым күні «Приозерск қалалық кітапханасы» коммуналдық мемлекеттік мекемесінде 26 маусым - Халықаралық наркомандық және наркобизнеспен  күрес  күніне орай «Нашақорлық-21ғасыр  індеті» атты  пайдалы-кеңес өтті. Іс-шараға кітапхананың тұрақты оқырмандары мен Жастар ресурстық орталығының «Жасыл Ел» жасақтары қатысты.   

Мақсаты: нашақорлық мәселесіне қоғамның назарын аудару, салауатты өмір салтын насихаттау, жастардың есірткіге елігіуіне қарсы тұру үшін азаматтардың қолдауына ие болу, жастар арасындағы нашақорлықтың алдын алу шараларын айқындап беру.

2018 жылдың 8 маусым  күні «Приозерск қалалық кітапханасы» коммуналдық мемлекеттік мекемесінде Алаш қозғалысының қайраткері, ақын, қазақ әдебиетінің жарқын жұлдызына айналған Мағжан Жұмабаевтің 125-жылдығына орай «Алғыр ойдың иесі» атты әдеби кеші өтті.  Іс-шараға №1 мектептің 10 сынып оқушылары қатысты.

Мақсаты: Мағжан Жұмабаевтың өмірі мен шығармашылығы,поэзия әлеміндегі алатын орны.Ақынның қуатты өлеңдері арқылы жастардың жүрегіне от беретін үнді әуен қалдыру. 

1 маусым күні «Приозерск қалалық кітапханасы» коммуналдық мемлекеттік мекемесінің қітапханашылары 4 маусым Қазақстан Республикасының  Мемлекеттік рәміздер күніне орай «Мемлекеттік рәміздер - биік мерейіміз» тақырыбында №1 мектептің 10 сынып оқушыларымен патриоттық кеш өткізді.

Мақсаты: Отанымызды сүюге, Қазақстан Республикасының рәміздерін қастерлеуге, туған елімізге адал қызмет етуге тәрбиелеу.

31 мамыр- бүкіл қазақ баласы көкірегін қарс айырып, бір сәт күрсінетін күн. Қаскөй саясаттың қанқұйлы қасап-қыспағынан қапыда мерт болған қаншама қазақ баласын жоқтайтын күн.

«Приозерск қалалық кітапханасы» коммуналдық мемлекеттік мекемесінің оқу бөлімінде  31 мамыр күні «Қасіретті жылдар елесі» тақырыбында 31 мамыр- Саяси құғын-сүргін құрбандарын еске алу күніне орай дөңгелек үстел өтті. Мақсаты: зұлмат жылдардың оқиғасын,оның жазықсыз құрбаны болған азаматтардың есімдерін ұмытпау,оларды мәңгі есте сақтау;

2018 жылдың 25 мамыр күні «Приозерск қалалық кітапханасы» коммуналдық мемлекеттік мекемесінің кітапханашысы М.Айтжанова  № 2 мектептің 10 сынып оқушылары арасында 31 мамыр- Саяси қуғын-сүргін құрбандарын еске алу күніне орай «Жазықсыз жазаланған жайсаңдар» атты еске алу кешін өткізді.

Мақсаты: саяси қуғын-сүргін құрбандарын еске алу. Оқушылардың бойына Отансүйгіштікке, патриоттық сезімін, ерлік, батылдық, шындық, төзімділік, адамгершілік қасиеттерін дарыту. Саяси қуғын-сүргінге ұшыраған  ақын-жазушылардың ерлігін, үлгі-өнеге ету.

2018 жылдың мамыр айында «Приозерск қалалық кітапханасы» коммуналдық мемлекеттік мекемесінде қазақтың ұлы жырауы,18 ғасырда жоңғар басқыншыларына қарсы қазақ-жоңғар соғысының бастаушысы,әрі ұйымдастырушысы атақты Абылай ханның ақылшысы Бұқар Жырау Қалқаманұлының  туылғанына 350 жыл толуына орай «Қазақтың ұлы жырауы» атты кітап көрмесі ұйымдастырылды. Кітап көрмеге №1,2 мектептің 9-10 сынып оқушылары қатысты.

Мақсаты: Бұқар жырау Қалқаманұлының өмірі жайлы әңгімелеу, оқушылардың қызығушылығын арттыру, туған жерін сүюге, Отанын қорғауға тәрбиелеу, бірлікке, татулыққа шақыру, адамгершілік қасиеттерді әрқашан жадында ұстауға тәрбиелеу.

2018 жылдың 15 мамыр күні «Приозерск қалалық кітапханасы» коммуналдық мемлекеттік мекемесінде Дүниежүзілік отбасы күніне орай «Отбасы сәні-сыйластық» атты танымдық кеш өтті. Мерекелік іс-шараға №1 мектептің 10 сынып оқушылары  қатысты

Мақсаты: Оқушыларды отансүйгіштікке, адамгершілікке, рухани тазалыққа баулу; отбасы мен ата-ананы бағалауды үйрету.

2018 жылдың 4 мамыр күні «Приозерск қалалық кітапханасы» КММ-нің оқу залында  «Ерлік-елге мұра, ұрпаққа ұран» тақырыбы аясындатарихи-танымдық кеш өткізілді. Іс-шара Ұлы Отан соғысының жеңіспен аяқталғанына 73 жыл толуы құрметіне арналды. Аталмыш кешке №2 мектептің 9-сынып оқушылары шақырылды.

Мақсаты: «Ешкім де, ештеңе де ұмытылмайды» деген қағиданы ұстана отырып, жас ұрпақты тарихымызды тереңнен тануға баулу. Оқушылардың Отан тарихына деген сүйіспеншіліктерін арттыру, Жеңіс салтанатын көре алмай кеткен боздақтардың ерлік істеріне тағзым етуге, өз халқымыздың тарихын құрметтей білуге, дүние жүзіндегі басқа ұлт өкілдерінің достығын нығайтуға тәрбиелеу.

2018 жылдың  27 сәуір күні «Приозерск қалалық кітапханасы» коммуналдық мемлекеттік мекемесінде 1 мамыр Қазақстан халықтарының бірлігі күніне орай «Біздің күшіміз бірлікте» атты танымдық сағаты өтті. Іс-шараға № 1 мектептің 9 сынып оқушылары қатысты.

«Приозерск қалалық кітапханасы» коммуналдық мемлекеттік мекемесінің балалар бөлімінде 26-сәуір күні 1-мамыр  Қазақстан халықтарының бірлігі күніне арналған «Қазақстан –біздің ортақ үйіміз»  атты достық сағаты өткізілді. Іс-шараға №2 мектептің 4-сынып оқушылары қатысты.

Мақсаты: 1 мамыр Қазақстан халықтар бірлігі күнін  оқушыларға кеңінен насихаттау; Ынтымақтыққа, достыққа, өз Отанын сүюге, қорғауға тәрбиелеу.

2018 жылдың 24 сәуір күні «Приозерск қалалық кітапханасы» коммуналдық мемлекеттік мекемесінің оқу залында Алаш қозғалысының қайраткері, дәрігер, ұстаз, ғалым, тарихшы,  тілтанушы, әдебиетші Халел Досмұхамедовтың  туғанына 135  жылдығына арналған  «Алаштың асыл арысы - Халел» атты еске алу кеші өтті. 

Еске алу кешіне қаладағы Жастар ресурстық орталығының қызметкерлері және №1,2мектептің 9-10 сынып оқушылары  қатысты. Мақсаты : Отанын, елін , туған жерін сүю , туған жеріне деген сүйіспеншілігін арттыру. 

Елбасының  «Болашаққа бағдар:  Рухани жаңғыру" бағдарламасы аясында «Приозерск қалалық кітапханасы» коммуналдық мемлекеттік мекемесінің оқу залында  2018 жылдың 24 сәуір күні  Елбасының  "Тəуелсіздік дəуірі" атты  кітабының  презентациясы өткізілді. Іс-шараға қаланың мемлекеттік мекемелерінің қызметкерлері, кітапхананың тұрақты оқырмандары, мектеп оқушылары қатысты.

Мақсаты: кітапты оқырмандарға жан-жақты насихаттау,жастарды отанын, халқын, жерін сүюге,  патриоттыққа тәрбиелеу.

Елбасының  «Болашаққа бағдар:Рухани жаңғыру»  бағдарламасы аясында  2018 жылдың 23 сәуір күні «Приозерск қалалық кітапханасы» коммуналдық мемлекеттік мекемесінің оқу залында  Қазақстанның Халық Қаһарманы,  Халықаралық Фадеев атындағы сыйлықтың лауреаты, көрнекті жазушы, Ұлы Отан соғысының ержүрек  батыры,  әйгілі партизан,  халқымыздың қайталанбас біртуар даңқты перзенті  Қасым Қайсеновтың 100 жылдығына арналған  ««Кемеңгер жазушы» атты әдеби кеш өтті. Әдеби кешке қаладағы Жастар ресурстық орталығының қызметкерлері қатысты.

2018 жылдың 18 сәуір күні «Приозерск қалалық кітапханасы» коммуналдық мемлекеттік мекемесінде 23-сәуір Дүниежүзілік кітап және авторлық құқық күніне орай «Кітап-тарих,шежіре!» атты мерекелік шара өткізілді. Іс-шараға № 2 мектептің 9-8 сынып оқушылары қатысты.

Бұл шара жастарды руханиятқа ұмтылдыру, ана тілін білуге қазақтың қарымды  қаламгерлерінің  шығармашылығымен сусындауға, өз елінің тарихи тұлғаларын білуге тәрбиелеу мақсатында ұйымдастырылды.

2018 жылдың 4 сәуір күні «Приозерск қалалық кітапханасы» коммуналдық мемлекеттік мекемесінде халық батыры, қазақ халқының 1916 жылғы ұлт-азаттық көтерілісін ұйымдастырушылардың бірі Амангелді Имановтың туылғанына 145 жыл толуына  орай «Амангелді-халық батыры» атты тарихи сағат өтті. Іс-шараға  № 2 мектептің 9 сынып оқушылары қатысты.