2016 жылдың 29 мамыр күні «Приозерск қалалық кітапханасы» коммуналдық мемлекеттік мекемесінде «Кітапхана түні - 2016» акциясы ұйымдастырылды. «Кітапхана түні» мәдени –әлеуметтік акциясының мақсаты: қала жұртшылығын кітап құмарлыққа баулу, оқуды дәріптеу, қала тұрғындарының бос уақытын тиімді өткізуіне атсалысу, кітапханамен қоғамның арасындағы байланысты нығайту. Акция №1 мектеп оқушыларының орындауындағы « Қарғаның мұңы» деп аталатын ертегі қойылымымен ашылды. Кеш барысында оқырмандар караокемен ән шырқап, кешіміз өнерлі клуб мүшелерінің өлең -жырларымен өз жалғасын тапты.
«Приозерск қалалық кітапханасы» коммуналдық мемлекеттік мекемесінің оқу бөлімінде ҚР Президент Әкімшілігі Басшысының орынбасары Б.Майлыбаевтың 2015 жылғы 16 қазанда №35-12.43 бекіткен «Этномәдени бірлестіктердің жалпымемлекеттік міндеттерді шешуге қатысуын қамтамасыз ету бойынша Қазақстан халқы Ассамблеясының арнайы бағдарламасы» іс-шаралардың 31-тармағын орындау мақсатында 2016 жылдың 18 мамырында«Мәңгілік ел» патриоттық актісіне арналған жалпы қазақстандық ашық диктант өткізілді. Кітапхана директоры Кенжебекова Павлина Сиязбековна «Мәңгілік ел» патриоттық актісіне арналған жалпы қазақстандықашық диктант қатысушыларына сәттілік тілеп диктант өткізу ережесімен таныстырды.
2016 жылдың 18 мамырында «Приозерск қалалық кітапханасының» оқырмандарға қызмет ету бөлімінде қазақ ақыны, мемлекет және қоғам қайраткері Олжас Сүлейменовтың туғанына 80 жыл толуына байланысты «Жалынның шалқуы» тақырыбы аясында презентация оқырман назарына ұсынылса, оқу бөлімінде халықаралық «Невада-Семей» антиядролық қозғалысының президенті Олжас Сүлейменовтің шығармашылығына арналған тақырыптық кітап көрмесі құрылып таныстырылды, оқырмандар арасында әңгіме шолу өтті.
Ұлы Отан соғысының жеңіспен аяқталғанына бірнеше жыл өтті. Бұл сол кездегі кеңес халқының ержүректілігі мен төзімділіктерін паш ететін, тарихта мәңгілік қалатын күн. Бұл күнді соғыстың алғы шептерінде қайсарлықпен шайқас жүргізіп, ерліктің сан үлгісін көрсеткен ардагерлер тойлайды. Бұл мейрамды өздерінің тылдағы қажырлы еңбегімен жеңісті шыңдаған, станоктың қасынан, егін даласында, күні-түні мал бағып, тынымсыз жұмыс істеген жұмысшылар, ауыл адамдары тойлайды.
2016 жылдың 7-мамыр «Приозерск қалалық кітапханасы» КММ-ның оқу залында және оқырмандарға қызмет ету бөлімінде Отан қорғаушылар күніне арналған «Жолың болсын, жас ұлан», «Айбынды азаматтар» атты сурет көрмелері ұйымдастырылды.
2016 жылдың 17 наурызында «Приозерск қалалық кітапханасы» коммуналдық мемлекеттік мекемесінің оқу бөлімінде Әлихан Бөкейханұлының - 150 жылдығына орай «Қазақ зиялыларының ерекше тұлғасы» атты дөңгелек үстел ұйымдастырылды.
Іс-шараға 8- сынып оқушыларымен қоса қалалық мемлекеттік мұрағат қызметкерлері арнайы шақырылған болатын. Дөңгелек үстелдің мақсаты: Алты Алаштың арысы - Әлихан Бөкейханов мұрасын оқырмандарға таныстыра отырып, оқушыларды патриоттық сезімге тәрбиелеу. «Алаш Орда» туралы білімдерін толықтырып, алаш арысы-Әлихан Бөкейханов еңбектерін өздеріне үлгі ету.
2016 жылдың 28 ақпанында қазақ халық поэзиясының әйгілі тұлғасы, өлең сөздің дүлділі, жырау, жыршы Жамбыл Жабаевтың туғанына 170 жыл толуына орай «Приозерск қалалық кітапханасы» КММ-ның оқырмандарға қызмет ету бөлімінде «Тау мен дала жыршысы» және оқу залында «Жыр алыбы -Жамбыл» атты кітап көрмелері ұйымдастырылған болатын. Көрменің мақсаты: оқырмандар арасында Жамбыл Жабаевтың шығармашылығын, оның қазақ әдебиетінде қалдырған ақындық өнерін, айтыс өнерінің дамуына қосқан үлесін кеңінен насихаттау болатын.
«Приозерск қалалық кітапханасы» коммуналдық мемлекеттік мекемесінде 2016 жылдың 1 наурызында «Бірлігі бекем елдің тірлігі берекелі» атты қала әкімінің этномәдени бірлестіктер өкілдерін қабылдауы өткен болатын. Кездесу кеші бірлестік өкілдерінің қатысуымен «Осы елде тамыр жайдық біз» атты мерекеге ұласты. Оқырмандар назарына 25 ақпаннан бері «Қазақ еліне тағзым» тақырыбында этномәдени бірлестіктердің кітаптарымен мұрағат материалдарынан алынған фотосуреттерінің көрмесі ұсынылды.
10 ақпан күні «Приозерск қалалық кітапханасы» коммуналдық мемлекеттік мекемесінің оқу залы мен оқырмандарға қызмет ету бөлімінде қазақтың ақиық ақыны Мұқағали Сүлейменұлы Мақатаевтың 85 жылдығына орай «Мұқағали оқулары» ұйымдастырылған болатын. Кеш оқырмандарға қызмет ету бөлімінде орналасқан «Мұқағали – мәңгілік ғұмыр» атты ақынның кітаптары орналасқан көрмеден бастау алды.
2016 жылдың 19 қаңтарында әйгілі публицист Баубек Бұлқышевтың 100 жылдығына орай «Приозерск қалалық кітапханасы» КММ-ның оқырмандарға қызмет ету бөлімінде «Әйгілі публицист» және оқу залында «Отпен оқ арасындағы Баубек хаттары» атты кітап көрмесі ұйымдастырылған болатын.
Қалалық кітапхананың жылжымалы кітапханасы Тәуелсіздік мерекесіне орай Балқаш емдеу сауықтыру кешенінде «Желтоқсан – тәуелсіздіктің бастауы» атты әдеби кеш және «Тәуелсіздік белестері» атты библиокараван ұйымдастырылды. Көрмеге Тәуелсіз Қазақстанның бел-белестері, бүгінгі жетістіктері және жарқын болашағы туралы деректер мен құнды кітаптар қойылған. Біз кітапхананың иелігіндегі қордан тақырыпқа байланысты кітаптарды, материалдарды демалушылар назарына ұсынуға тырыстық. Олар - еліміздің мемлекет болып нығаюы кезеңімен, еліміздің тарихымен, Қазақстан халықтарының мәдениетімен тығыз байланысты кітаптар.
«Приозерск қалалық кітапханасы»КММ-нің оқу залында 30- қарашада Орыс халқының ұлы ақыны, лирикалық поэзияның шебері А.С. Пушкин оқулары өтті. Аталмыш әдеби өнер сайысына №1 жалпы білім беру қазақ мектебі, № 2 мектеп бала – бақша кешені және Дорохов атындағы № 3 мектептің оқушылары белсене қатысты. Байқау 3 шарттан құралған. Анығырақ айтсақ, қатысушыларға Пушкиннің табиғат лирикасын, достарына арналған өлеңдерін, әйелдер қауымына арналған жыр шумақтарын жатқа оқу міндеттелді. 1-орынға Сейілбекова Диана,2-орынға Таир Гулжайна,3-орынға Ағатаева Ақниет иеленді.Байқау өз деңгейінде ерекше, әсерлі өтті.
Әлеуметтік-мәдени акция - Қазақстан Республикасының Ұлттық академиялық кітапханасының бастамасымен 2007 жылдан бастап өткізіліп келеді. Аталмыш акцияның мақсаты - қазақ әдебиетін насихаттау, тарихи-мәдени және рухани мұрамызды сақтау, жастарды отаншылдыққа әрі өнегелілікке тәрбиелеу, сондай-ақ оқырмандарды оқуға, кітапханаға тарту.
1 қазан –Халықаралық қарттар күні. Бұл күнді тойлау дәстүрге айналды. Приозерск қалалық кітапханасы»КММ-нің оқу залында халықаралықҚарттар күніне арналған шараларымыз жоспар бойынша өткізілді. Мерекенің басты мақсаты: Жас ұрпақтың бойына халқымыздың асыл қасиеттерін сіңіру, үлкенді сыйлау, өз ата – бабасын ұмытпай салт – дәстүрден нәр алып өсуіге, инабаттылыққа, жақсы мен жаманды ажырата білуге аталы сөзден ғибрат алуға тәрбиелеу. «Қарияларды ардақ тұту – біздің парызымыз» тақырыбында дөңгелек үстел болып өтті. Кітапханада қарттар күніне арналған тақырыптық көрме ұйымдастырылып, мерекелік кеш өтті.Оған «Сырласу» клубының мүшелері қатысты. Мерекелік іс-шарада оқырмандар өз өнерлерін көрсетіп, ән салып ,би билеп кешті қызықты өткізді. Кітапхана қызметкерлері жүрек тебірентер жағдай тудыра білсе, қонақтар белсенді қатысушы бола алды. Шара барысында «Сырласу» клубының мүшелерін алғыс хатпен марапатталды. Кеш қонақтары жоғарғы белсенділік танытып, кештің көңілді өтуіне ықпал етті. Қарттарға арнайы жасалған презентация көрсетілді .Қарттарымыз ризашылығын білдіріп көңілді күйлерімен үйлеріне тарады.
2015 жылдың 02 қазан күні алғаш рет «Приозерск қалалық кітапханасында» алтын әріптермен жазылып қалатын Ұлт руханиятының жанашыры , туған өлкеміздің аса қадірлі ақыл-ойшысы, белгілі этнограф-ғалым, публицист, филология ғылымдарының докторы, профессор, ҚР Мемлекеттік сыйлығының иегері Ақселеу Сейдімбековке арналған «Арқаның алтын сандығы» атты көркемсөз оқу шеберлерінің қалалық байқауы өтті.
