Жаңа кітаптар
Т.4: Музыка Әдебиет
Әсемқұлов Таласбек
Шығармалары
Т.4: Музыка Әдебиет
Жазушы, күйші Таласбек Әсемқұловтың шығармалар жинағының бұл томына музыка, әдебиет жайында әр кезеңде жазылған мақалалары топтастырылған.
Т.2: Проза Киноромандар
Әсемқұлов Таласбек
Шығармалары
Т.2: Проза Киноромандар
Жазушы, күйші Таласбек Әсемқұловтың шығармалар жинағының бұл томына 80-жылдар және 2003-2013 жылдар аралығындағы жазылған прозалары мен киноромандары топтастырылған.
Т.1: Күйшілік туралы романдар
Әсемқұлов Таласбек
Шығармалары
Т.1: Күйшілік туралы романдар
Жазушы, күйші Таласбек Әсемқұловтың шығармалар жинағының бұл томына күйшілік туралы жазылған «Талтүс» және аяқталмай қалған «Тәттімбет сері» романдары топтастырылған.
Жиырмасыншы ғасыр
Досанов Сәбит
Жиырмасыншы ғасыр
Көркем сөздің көрнекті шебері Сәбит Досановтың «Жиырмасынщы ғасыр» атты роман – эпопеясында тұтас бір ғасырдың көркем шежіресі төрт ұрпақтың тағдыры арқылы жанды сурет болып оқушының көз алдынан өтеді.
Төрт кітаптан тұратын күрмеуі қатты күрделі шығарманың алғашқы кітабында отаршыл озбыр саясаттың қазаққа әкелген қайғы-қасіреті суреттеледі. Әлихан, Ахмет, Нұрдәулет сынды Ұлы Даланың ұлт қамын ойлаған ұлдары қазақтың байырғы жеріне қара шегірткедей қаптаған қоныстанушылар көшін тоқтату үшін жанкештілікпен күреседі.
Шығармада суреттелетін ел өміріндегі елеулі оқиғалардың бәрі Ақбас бүркіттің көзімен, ой, сезімімен беріледі. Ақбас бүркіт бұған дейін әлем әдебиетінде кездеспеген жаңа образ.
Көп жылдық көркемдік ізденістің жемісі болып табылатын бұл роман – эпопея жылда шығып жатқан көп кітаптың бірі емес, қазақ әдебиетінің алтын қорына қосылуға әбден лайық тұлғалы туынды.
Ұлылық пен мәңгілік
Мұқибекұлы Ауыт.
Ұлылық пен мәңгілік
Алыста жүрген ағайын тағдырына алаң көңіл ақын бұл кітабында Ұлт Көшбасшысының Тәуелсіз Қазақ Елін құру, өркендету, дүниежүзіне таныту жолындағы Ұлы еңбектері мен шекара сыртындағы қандастарымызды Атажұртқа оралту жөніндегі дана шешіміне деген өзінің ризалығын, жүрекжарды қуанышын асқақ шабытпен тебірене жырлайды. Президентіміздің сенімді серігіне, ұлт мақтанышына айналған бір бөлім ел ағаларына, замандастарына арналған ақжарма тілегі мен адал пейілі ерке Есілдей кемерінен асып төгіліп жатады. Сондай-ақ, Ұлы Дала төсінде бой түзеген Мәңгілік Елдің жаңа астанасын жауһар жырларымен жарқырата түседі.
Шырағым-ай
Құл-Керім Елемес
Шырағым-ай
Бұл кітап ізгілікті ту етеді. Кітаптың басты мақсаты – тәрбиенің тұнық бұлағы ұлттық таным арқауын берік ұстана отырып балаларды ата-анамен, қоғамдағы әр түрлі жағдайлармен арасындағы байланыстың тереңіне, даналыққа, тапқырлыққа, ізгілікке, сенімге шақырады. Олар жайлы сананы айшықтайды. Кітап ата-аналарға, ұстаздарға, жалпы оқырманға арналған.
Қуатбек Ерқанат
Жас ақын Қуатбекұлы Ерқанаттың бұл жинағы үш бөлімнен тұрады. Бірінші бөлімге елдікті, бірлікті және отанға деген сүйіспеншілікті жырлаған, ту көтерген арда халықтың төлтума қасиеттерін ұлықтаған өлеңдері енген. Екінші бөлімде туған топыраққа тағзым етіп сан тақырыптарға ой толғаған лирикалық өлеңдері, үшінші бөлімде «Сыр қызына сағыныш» атты ғазалдары енген.
Бүгінгі таңда жастар арасында өз өлең өрнегімен ерекшеленген Ерқанаттың бұл кітабы оқырман қауымның ықыласына бөленеді деп сенеміз.
2015 жылғы басты оқиғалардың фотобаяны
Президент
2015 жылғы басты оқиғалардың фотобаяны
Бұл фотоальбомда Қазақстан Республикасының Президенті Нұрсұлтан Назарбаевтың қатысуымен 2015 жылы елімізде және халықаралық аренада өткен маңызды іс-шараларда түсірілген фотоматериалдар топтастырылды.
Физика әлемі
Физика әлемі
пәндік энциклопедиясы
«Физика әлемі» пәндік энциклопедиясы – ана тілімізде тұңғыш рет шығарылып отырған 2 томдық жинақ. Энциклопедияда әрбір ұғым мен түсінік кең ауқымды егжей – тегжейлі терең мазмұнды болып баяндалады. Құбылыстың құпия сырлары қалыптасқан теория аясында түсіндірілген. Осы тұрғыдан алғанда «Физика әлемі» пәндік энциклопедиясы тек мектеп оқушыларына ғана емес, физика мамандықтары бойынша оқитын жоғары оқу орындары студенттеріне де ортақ болмақ. Сонымен қатар физика пәнін тереңдетіп оқытатын мектептер мен лицейлердің оқушыларына көп көмек тигізбек. Физика пәні мұғалімдеріне оқулықтан тыс мағлұматтар беретін оқу құралы ретінде де пайдалануға лайықты анықтамалық болары сөзсіз.
Табиғат құбылыстарының пайда болуын білгісі келетін физика әуесқойларының және көпшілік оқырмандардың танымдық білімін арттырмақ.