1 - мамыр Қазақстан халқының бірлігі күніне орай кітапхананың «Білім» орталығында мектеп оқушыларының қатысуымен «Достық мерекесі» ақпараттық сағат өткізілді. Аталған іс-шара мақсаты: халықтар арасындағы достықты нығайту, достық қарым-қатынастарын қалыптастыруды жалғастыру, Қазақстанның өркендеуіне достық арқылы өз үлестерін қосуға баулу.
2022 жылдың 29 сәуір күні оқырмандарға қызмет ету бөлімінің кітапханашысының өткізуімен, мемлекет қайраткері, әскери қолбасшы, қазақ халқының 1837 – 1847 жылдардағы ұлт-азаттық қозғалысының көсемі, Қазақ хандығының соңғы ханы Кенесары Қасымұлының 220 жылдық мерейтойына орай мектеп оқушыларымен «Азаттықты аңсаған батыр» атты тарихи-танымдық кеш өткізілді.
27 сәуір күні қалалық кітапхананың «Білім» орталығында Приозерск қаласының ішкі саясат, мәдениет және тілдерді дамыту бөлімінің ұйымдастыруымен «Қасым оқулары» жас ақындар байқауы өткізілді.
Дүниежүзілік кітап және авторлық құқық күніне орай 21 сәуір күні кітапхананың «Білім» орталығында №1 мектептің 10 сынып оқушыларының қатысуымен «Кітап әлемі» тақырыбында дөңгелек үстел өткізілді.
2022 жылдың 14 сәуір күні кітапхананың «Білім» орталығында тарих пәнінің мұғалімі Давлятярова Мария Баймуратовнаның жетекшілігімен, №2 мектептің 9-сынып оқушыларының қатысуымен «Имандылық-инабаттылық мұраты» тақырыбында имандылық сағаты өткізілді.
2022 жылдың 11 сәуір күні оқырмандарға қызмет ету бөлімінің кітапханашысы Д.Төлбасы 12 сәуір Ғарышкерлер күніне орай мектеп оқушыларының қатысуымен «Ғарыш және Қазақстан» тақырыбында әңгіме шолу өткізді.
Көрнекті әдебиеттанушы, прозашы, аудармашы Немат Келімбетовтің туғанына 85 жыл толуына орай «Қайсар қалам қуаты» ақпараттық-танымдық кеш. Аталған іс-шара мақсаты: ұлағатты ұстаз Н.Келімбетовтің көркем әдеби мұрасының мазмұны мен көркемдік құндылығын көрсету.
1 сәуір – күлкі мен жақсы көңіл-күй мерекесі. Күлкі адамның көңіл-күйін көтереді, күнді көңілді және жарқын етеді. Қалалық кітапханада мектеп оқушыларының қатысуымен «Күлкі керуені» ақпараттық сағат өткізілді.
21-Наурыз «Ұлттық тағамдар күніне» орай кітапханашы Төлбасы Динара №1 мектептің бастауыш сынып мұғалімі Айтмұратова Гүлбахар бірге қазақтың ұлттық тағамы бауырсақ пісірді.
23 наурыз - "Жоралғы күні". Қазақтың әдет-ғұрпында жол-жоралғы деген ұғым бар.
Қазақтың халық жазушысы, драматург сыншы, мемлекет және қоғам қайраткері Ғабит Мүсіреповтың туғанына 120 жыл толуына орай кітапхананың балалар бөлімінде, мектеп оқушыларының қатысуымен «Анадан туған алып» тақырыбында әдеби кеш өткізілді.
