2016жылдың 23ші қарашасында «Приозерск қалалық кітапханасы» коммуналдық мемлекеттік мекемесінің оқу бөлімінде Тәуелсіздігіміздің 25жылдығына арналған 25 жылдыққа-25 күн» акциясы аясында «Тәңір сыйы-Тәуелсіздік» атты «Жас толқын» жас ақындардың қатысуымен жыр кеші өтті.
2016 жылдың үлкен мерейтойы – Қазақстан Республикасы Тәуелсіздігінің 25 жылдығы. Айтулы мерекеге республикамыздың түкпір-түкпірінде қызу дайындық жұмыстары жүргізілуде. Ата-бабаларымыз сан ғасыр армандаған Тәуелсіздіктің 25 жылдығы еліміздегі іргелі істермен айшықталып, сәт сайын жақындап келеді.
2016 жылдың 18 қазан күні қалалық кітапханада Рухани Келісім күніне орай: «Рухани келісім басты байлығымыз», «Рухани келісім-бірлік бастауы», «Рухани бірлік-бейбітшілік пен келісім негізі» атты кітап көрмелері ұйымдастырылған.
Мақсаты: оқырмандардың өз мемлекетінің тарихына, жалпы ой-өрісін дамытуға, мемлекетіміздің өткеніне құрметпен қарауға, төзімділікке және басқа халықтардың мәдени құндылықтарына танымдық қызығушылығын арттыру.
2016 жылдың 13-ші қазанында Қазақстан Республикасы Тәуелсіздігінің 25-жылдық мерейтойына байланысты «Приозерск қалалық кітапханасы» коммуналдық мемлекеттік мекемесінің оқу бөлімінде «Менің елім-Қазақстан» атты патриоттық ән байқауы өтті.
2016 жылдың қазан айының 14 жұлдызында «Приозерск қалалық кітапханасы» коммуналдық мемлекеттік мекемесінің оқу залында «Кітапхана беделі-білім ошағының мәртебесі» атты кітапханашылар арасында семинар өткізілді. Семинарға қаламыздағы мектеп кітапханашылары мен № 44841 әскери бөлім кітапханашысы қатысты Семинардың мақсаты мен міндеті: Кітапхана мен кітапханашы беделін көтеру және оқырмандар арасындағы қарым-қатынасты нығайту; кітапхана қызметкерлерінің біліктілігін арттыру; олардың шығармашылық мүмкіндігін жетілдіру, кітапханалық қызметті ұйымдастыру.
Елімізде 1-қазан күні атап өтілетін Қарттар күні алдын ала мерекеленіп, егде жастағы адамдарға құрмет көрсетіле бастағаны баршамызға мәлім. Бұл мерекеден біздің қаламызда тыс қала қоймайтыны белгілі. Осыған орай 2016 жылдың 29-қыркүйегінде «Приозерск қалалық кітапханасы» коммуналдық мемлекеттік мекемесінің оқу бөлімінде «Қарттар сөзі-асыл қазына» атты кездесу кеші өткізілді. Жалпы іс-шараны өткізу барысында жас жеткіншектерді үлкенді сыйлап, тыңдай білуге, халқының салт-дәстүрінен нәр алуға, инабаттылық пен мейірімділікке тәрбиелеу басты мақсат етіп қойылған. Кімде кімнің үйінде қартайып отырған әке-шешесі немесе ата мен әжесі секілді қымбатты «қонағы» болса, ол өз үйіне олардан артық құдайдың құрметті өкілі келеді деп ойламасын, егер үйдің иесі оларға дұрыс қарап, қамқорлық жасаса, қартайған ата-анасы оның отбасының құты болып табылады. «Қариясы бар үйдің қазынасы бар»-деп қазағым бекер айтпаған.
«Приозерск қалалық кітапханасы» коммуналдық мемлекеттік мекемесінің оқу бөлімінде 2016 жылдың 28 қыркүйегінде «Бір ел- бір кітап» акциясы аясында «Дулат тағылымы» атты дөңгелек үстел өтті.
Мақсаты: ХІХ ғасырдың алғашқы жартысында өмір сүрген кемел ақын Дулат Бабатайұлының «Өсиетнама» кітабын таныстыра отырып, жыл бойы оқуға шақыру. Сонымен қатар, шығармаларының өміршеңдігін, маңыздылығын, келер жас ұрпаққа түсіндіру, оның толғаулары арқылы шынайылыққа, шыншылдыққа ұлттық және патриоттық сезімге баулу.
Инновациялық сөйлейтін қалам.
Кішкентай бүлдіршіндерді кітап патшалығымен таныстыру, оқуға қызығушылығын арттыру мақсатында кітапханашылар қаламыздағы «Балақай» бала-бақша кешеніне барып бүлдіршіндерді кітапханаға келіп түскен жаңа кітаптармен таныстырды.
Ең бірінші бүлдіршіндерге «Даналық әліппесі» Инновациялық сөйлейтін қалам нұсқаулығымен таныстырды.
2016 жылдың 22 қыркүйегінде «Қазақстан халықтарының тілдер» мерекесіне байланысты «Приозерск қалалық кітапханасы» коммуналдық мемлекеттік мекемесінің балалар бөлімінде №2 мектептің 5-6-7 сынып оқушылырының қатысуымен «Тіл ұлттың жаны» атты тәрбие сағаты өтті.Балалар мерекеге арнап өз өлеңдерін айтып,тақпақтарын айтып белсенді қатысты.
2016 жылдың 10 қыркүйегінде Денсаулық күніне орай «Приозерск қалалық кітапханасы» коммуналдық мемлекеттік мекемесінің оқу бөлімінде «Денсаулық-зор байлық» атты кітап көрмесі ұйымдастырылды.
Мақсаты: денсаулық адам баласының азбас қазынасы,асқан байлығы,өмірінің тірегі екенін түсініп,оны бағалай білуге үйрету,жас ұрпақ бойына салауатты өмір салтын қалыптастыру,насихаттау,адам денсаулығының қымбаттылығын,өмір сүру үшін қажеттілігін,бағалы байлық екендігін түсіндіру.
«Приозерск қалалық кітапханасы» коммуналдық мемлекеттік мекемесінің оқырмандарға қызмет ету бөлімінде Қазақстан халықтарының тілдер күні мерекесіне орай «Тіл- ұлттың жаны,асыл қазынасы» атты кітап көрмесі ұйымдастырылды.
Мақсаты: оқырмандарды өз тілін құрметтей отырып, үш тілді яғни қазақ тілі, орыс тілі, ағылшын тілін жетік меңгеруге шақыру.
«Приозерск қалалық кітапханасы» коммуналдық мемлекеттік мекемесінің балалар бөлімінде, Отбасы күніне орай «Отбасы- өмір аясы» атты кітап көрмесі ұйымдастырылды.
Мақсаты: Отбасы құндылығы туралы түсініктерді, ұғымдарды кеңейту, оны сүйе білуге, отбасының тату- тәттілігін, тұрақтылығын сақтауға, бала мен ата- ана арасындағы қарым- қатынасты нығайтуға, ата-анасын құрметтеуге үйрету.
2016 жылдың 24 тамыз күні «Приозерск қалалық кітапханасы» коммуналдық мемлекеттік мекемесінің оқу бөлімінде Ата заңымыздың 21 жылдығына орай «Айбары асқақ-Ата заң» атты дөңгелек үстел өтті.
Семей ядролық сынақ полигонының жабылғанына 25 жыл толуына орай 2016 жылдың 25 тамызы күні «Приозерск қалалық кітапханасы» коммуналдық мемлекеттік мекемесінде оқырмандарға қызмет көрсету бөлімі «Семей полигоны – атом зардаптары» тақырыбы аясында презентация көрсетіп, оқу бөлімінде «Ядролық қарусыз әлемді қолдаймыз» атты сурет көрмесі ұйымдастырылды.
«Приозерск қалалық кітапханасы» коммуналдық мемлекеттік мекемесінде 2016 жылдың 4 тамызы күні кітапханашылар арасындюа «Өрт сөндіру техникасы мен алғашқы өрт сөндіруде қойылатын талаптар» тақырыбында қалалық өрт сөндіру қызметкерлері Оңалбаев Медет Жаңабайұлы мен Аманбаев Айбек Қуандықұлы баяндама оқып, «Өрт кезіндегі іс-қимыл тәртібі» жайлы тәжірибелік сағат өткізген болатын.
