2018 жылдың 3 қазанында «Приозерск қалалық кітапханасы» КММ –нің «Үміт» бағдарламасы бойынша мүмкіндігі шектеулі қамкөңіл  балалармен «Мейірімділік жүректен» атты қайырымдылық кешті «Жұмыспен қамту жане әлеуметтік бағдарламар бөлімі» ММ мен бірлесе өткізген болатын.  Іс-шараға мүмкіндігі шектеулі  14 бала ата-анасымен қатысты.

2018 жылдың 28 қарашасында «Приозерск қалалық кітапханасы» КММ-нің балалар бөлімінде 1 желтоқсан Дүниежүзілік ЖИТС-пен күрес күніне арналған "Ғасыр індетінен сақтанайық" атты  әңгіме шолу өтті.

Іс-шараға 7-9 сынып оқушылары қатысты.

Іс-шараның мақсаты: оқушыларды салауатты өмір сүре білуге тәрбиелеу ,  шылым шегудің, ішімдіктің , нашақорлықтың, ЖИТС-тің адам ағзасына зиянды әсерлерін ашып көрсету, солардың салдарынан туатын аурулар туралы оқушылардың білімдерін жетілдіру.

2018 жылдың 23 қарашасында балалар кітапханасының оқу залында орыс балалар жазушысы Н.Носовтың туғанына 110 жыл толуына орай  «Н.Носов-детских книг творец» атты тәрбие сағаты өтті.Іс-шараға №2 мектептің 2 сынып оқушылары арнайы шақырылған болатын.

Шараның мақсаты: оқырмандарға  Николай  Носов туралы түсінік беру, жазушы және керемет әдеби суреткер шығармашылығымен таныстыру.

2018  жылдың  29  қазан  күні «Приозерск қалалық кітапханасы» КММ-нің балалар бөлімінің кітапханашысы Ш.Жунусова мектеп кітапханасында халық  жазушысы,  балалар  ақыны  Мұзафар  Әлімбаевтың  95 жылдығына  арналған «Балдырған бағбаны» атты тәрбие сағатын өткізді. Тәрбие сағатына 2 сынып оқушылары қатысты.

Мақсаты:  М.Әлімбаев  туралы  білімдерін  кеңейту, балаларға  арналған шығармаларды, олардың тарихымен таныстыру. Өмір жолы, еңбек жолы, шығармаларынан  мәліметтер беру.  М.Әлімбаевтың «балалар ақыны» екенін таныту.

«Приозерск қалалық кітапханасы» КММ-нің балалар бөлімі қазан айының 26 жұлдызында №1 қазақ орта мектебінің кітапханасымен бірлесе отырып,  ақын,  ағартушы  Сұлтанмахмұт  Торайғыровтың  туғанына 125 жыл толуына орай «Қыран қанатты ақын» атты танымдық сағат өткізді. Шараға аталмыш мектептің 7 сынып оқушылары қатысты.

Мақсаты:  Қазақтың көрнекті ақыны  Сұлтанмахмұт  Торайғыровтың  өмірі және шығармашылығымен  танысу, ұлттық әдебиетіміздегі ең үздік деген туындыны оқу және насихаттау,оқу ісін ілгерілету, рухани мұрамызды сақтау, жастарды отаншылдыққа, өнегелілікке тәрбиелеу.

2018 жылдың 1 қазан күні  «Приозерск қалалық кітапханасы» КММ-нің балалар бөлімінде  «Жақсыдан үйрен, жаманнан жирен»  атты тәрбие сағаты өтті.  Аталмыш шараға кітапханамыздың тұрақты оқырмандары қатысты.

Мақсаты: балаларды жаман әдеттен аулақ болуға, үлкенді сыйлауға, кішіге қамқор болуға үйрету, ата-анаға мейірімді, туған жерге, айналадағы заттарға ұқыпты қарауға, оқушыларды имандылыққа, адамгершілікке тәрбиелеу.

2018 жылдың  3 қазан  күні «Приозерск қалалық кітапханасы» КММ-нің  балалар бөлімінде «Жол тәртібін сақтайық» атты тәрбие сағаты өткізілді. Тәрбие сағатына бастауыш сынып оқушылары қатысты.

Мақсаты: Оқушыларды жол ережесі мен қауіпсіздікті сақтауға үйрету, қоғамдық орындарда өздерін алып жүруге баулу, жол белгілерін тани білу және дағдыларын қалыптастыру, оқушыларды сақтыққа тәрбиелеу.

2018 жылдың 7 қыркүйегінде «Приозерск қалалық кітапханасы» коммуналдық  мемлекеттік  мекемесінің балалар кітапханасының оқу залында атақты орыс ақыны және аудармашы Борис Владимирович Заходердің 100 жылдығына арналған "Поэт на все времена" атты тәрбие сағаты өткізілді. Іс-шараға №2 мектептің 2 сынып оқушылары қатысты.

Мақсаты:Оқушыларды Б. В. Заходердің шығармашылығымен таныстыру; балалар поэзиясына деген қызығушылықтарын  арттыру; кітап оқуға деген қызығушылыққа тәрбиелеу.

2018 жылдың  7 қыркүйек күні «Приозерск қалалық кітапханасы» коммуналдық мемлекеттік мекемесінің балалар бөлімінде Орыс халқының жазушысы, ағартушы, ойшыл Лев Николаевич Толстойдың туғанына 190 жыл толуына орай «Человек, любящий детей» атты тәрбие сағаты өткізілді. Тәрбие сағатына №2 мектептің 4-сынып оқушылары қатысты.

Мақсаты: оқушыларды ұлы жазушы Л.Н.Толстойдың өмірі мен шығармашылығымен таныстыру, балалар әдебиеті арқылы оқушылар бойында адамгершілік, қайырымдылық, төзімділік сезімдерін қалыптастыру.

«Приозерск қалалық кітапханасы» КММ-нің балалар бөлімінде еліміздің бас қаласы Астанамыздың туған күні құрметіне орай «Жұлдызды қала-Астана» атты танымдық көрме ұйымдастырылып, оқушылар қиялынан туған шығармашылық жұмыстар оқырмандар назарына ұсынылды. Аталмыш шара қаламыздағы №2 мектеп және «Достық» шығармашылық орталығы жанынан құрылған лагерь оқушыларының қатысуымен өтті.

Мақсаты: Оқушылар бойында патриоттық сезімді қалыыптастыру, Отанға деген сүйіспеншілік сезімін арттыру, Астана жайында мағлұмат беру. Астананың көрікті, әсем жерлерімен таныстыру.